Lafaek News–Prezidente Repúblika José Ramos Horta, partisipa direta iha serimónia funebre erois no martires hamutuk na’in-34 iha jardin erois munisípiu Manufahi, kinta (04/08/2022), no prezensa xefe estadu nu’udar testemuña ba haloot restus mortais ne’ebé fakar ona sira-nia isin no ran ba luta ukun rasik aan.
“Prezensa hamutuk ho konvidadu sira-ne’e, atu sai testemuña ba serimónia funerál bá eróis no mártires na’in-34 nian ne’ebé fakar ona sira-nia isin no ran ba luta ukun rasik aan, rai ida-ne’e bele orgullu ho nia eróis, nia mártires sira, estadu halo nia obrigasaun tinan sira-nia laran hahú kedas iha primeiru anu restaurasaun independénsia mak hahú kedas hanoin oinsá atu rekoñese eróis sira, mártires sira,” katak Prezidente Repúblika, Josè Ramos Horta.
Xefe Estadu ne’e iha nia diskursu hateten la fasil atu identifika eróis no mártires ne’ebé fó ona sira-nia kontribuisaun ba luta ho justisa no rigor, Timor-oan hotu presiza kuda unidade, paz no estabilidade atu buka tuir luta nain sira ne’ebé fo an ba mate hodi manan liberdade ida ne’e.
Balun hetan família nia ruin ha’u bele hatete sorte, ha’u rasik ami-nia alin feto ida mate iha Lolotoe ne’ebá, sorte populasaun haree sorte populasaun mak hakoi nia iha 18 dezembru 1978 bombardamentu iha aldeia anno iha 2003 ami ba foti hakoi fila-fali iha Santa kruz”,PR Horta deklara.
Prezidente Ramos Horta dehan, , nia alin Guilherme ne’ebé mate imbuskada iha Mápe nomos saudozu Nuno Horta ne’ebé hanesan Komandante FALINTIL Brigada Xoke to’o agora seidauk hetan sira-nia ruin, alein de restus mortais saudozu na’in-34 ne’e, iha saudozu na’in-rua mak martír deskoñesidu, halot iha semitériu jardín eróis no mártires pátria Manufahi, bazeia bá dekretu Prezidente Repúblika N.⁰ 62/2022 ne’ebé publika iha loron 2 fulan-augustu.
Serimónia funerál ne’e hahú uluk ho missa rékuem ne’ebé selebra husi, Pe. Eugênio Pereira, no tiru saltu, hafoin hatun ba kampa (kuak), Partisipa iha serimónia funerál ne’e, Segundu Vise Prezidente Parlamentu Nasionál (PN), Maria Angelina Sarmento, Prezidente Tribunál Rekursu, Deolindo dos Santos, membru Governu, Xefe Estadu Maior Jenerál Forsa Armada, Tenente Jenerál Falur Rate Laek, veteranus, no komunidade sira.
Jornalista : Rita Moniz
Editór : Agapito de Deus
