Lafaek News–Operador telekomunikasaun Telkomcel iha Timor Leste, inisia promosaun ba produtu lokál hodi promove kualidade kafé maubere Timor Leste ba nasaun 7 kompostu husi Singapura, Hong Kong, Malaysia, Australia Myanmar, Amérika ho Nova-Zelándia,
Vise Prezidente Finansas Rekursu humanu Telkomsel, Dedy Edward Ambarita, Timor Kompania Telkomcel halo konseitu tolu hanesan, Ekonomia, sosial, Governmental. husi ne’e mak konseitu sosial ne’e hanesan baze ba telkomcel hodi apoiu komunidade sira husi produtu Lokál Timor Leste.
Ha’u mai Timor iha Tinan 2013 ne’e hau haree kafé Timor koñesisidu husi uluk too agora, motiva ami ba hasoru prezidente repúblika no ami koko ko’alia kona-ba ita la’o hamutuk, tanba ami iha kompania sanulu kada nasaun hodi halo promosaun ba Kafé Timor atu kontribui no ema bele koñese diak liután Kafé Timor, ami faan pulsa la’os ami promosaun ne e hodi hetan osan ne’e, se faan ami hodi ajuda promosaun, la’os ami atu hetan lukru halo promosaun ba haree nain sira bele koko no sente husi ne’e ami fiar katak bele ajuda kompania kafé iha Timor-Leste, sosiál ne’e ajuda faan Kafé Timor halo promosaun kafé,’’ Dedy ba lafaek news iha Telkomcel Timor Plaza foin lalais.
Tanba, prezensa Telkomcel iha Timor Leste, la’os mai atu buka lukru de’it, maibé hakarak ajuda Timor Leste nia ekonomia liu husi produtu lokál ne’ebé ho naran famozu iha mundu nia matan maka kafé maubere Timor, Telkomcel prontu ajuda halo promosaun hodi promove kafé Timor ba nasaun seluk ne’ebé seidauk koñese rai lulik Timor.
Agora dadaun ami halo promosaun kafé ne’e husi kompania, tanba ami konsege halo diskusaun ho funsionáriu hamutuk ho Prezidente Repúblika no sira sei halo kordensaun ho kompania kafé, maibé duke ita hein saida mak nasaun dehan, diak liu mai ita hala’o agora ami halo promosun ne’e kafe Maubere se aban bairua Kafé Letefoho ami simu no prontu atu halo promosaun,dehan nia iha knaar fatin,’’katak Dedy.
Vise prezidente finansa Telkomcel ne’e husu asosiasaun kafé Timor sira atu koopera ho Telkomcel hodi hala’o promosaun ba kafé liu husi website Telkomcel atu mundu interasional bele koñese rai doben Timor Leste.
Ami espera asosiasaun kafé no sira sempre kontaktu bele halo promosaun ka la’e ne’ebé ha’u dehan bele de’it, agora da-daun ne’e fo sai husi website Telkomcel no agora too ona Singapura, Hong Kong, Malaysia, Australia Myanmar, Amérika ho Nova-Zelándia,’’ Dedy hakotu.
Jornalista : Ângela Carvalho
Editor : Agapito de Deus
