Lafaek News–Adjunta Xefe kaza Sivil Presidensiál Repúblika, Henriqueta da Silva, informa palasiu Presidensiál Repúblika laiha orientasaun polítika no sirkualar ida hodi hasai ofisialmente ba komunidade no estudante atu hatama proposta iha Presidensiál Repúblika, maibé da-daun proposta rihun 6 mak tama ona no sei kanaliza ba ministériu relevante.
Laiha orientassaun polítika ida ba komunidade sira atu hatoo proposta, laiha mos sirkualar ida hodi hasai ofisialmente ba komunidade sira, ou ba estudante sira atu mai hatama ba proposta ba bolsu estudu iha ne’e, agora ne’e purvolta de 6 mill proposta mak hatama ona mai iha ne’e”, esplika Adjunta Xefe kaza Sivil Presidensiál Repúblika Henriqueta da Silva bainhira realiza komunikadu imprensa iha Palásiu Prezidensiál bairo-pite, Tersa (26/07/2022).
Tuir Adjunta Xefe kaza Sivil ne’e katak, maibé númeru proposta haree iha Palasíu Presidensiál, ida ne’ebé mak atu kanaliza ba iha ministeriu solidariedade sosial hatoo ba iha ne’eba, liga karik ba iha infraestrutura kanaliza ba iha ministeriu Obras Públikas, nune’e mos bolsu estudu sei kanaliza ba iha ministeriu edukasaun.
Tanba iha ne’e Presidensiál Repúblika laiha orsamentu sufisiente hodi atende ba proposta sira ne’ebé mak mai ho 6 mill Liu, kestaun sira ne’e Prezidente Repúblika sei resolve tuir nia situasaun no medidas ne’ebé mak iha, numeru sira ne’e sei kanaliza ba instituisaun ida idak.
Tuir Adjunta ne’e katak maneira oinsá atu konvense komunidade sira labele mai forma beibeik iha palasiu prezidente repúblika, informa ona hodi taka avizu ona, tanba palasiu prezidente seidauk orienta atu estudante no komunidade ein jeral hatama proposta.
Iha okaziaun ne’e mos Assesor Asuntus Polítiku Prezidénsia Repúblika, Tomas do Rosário Cabral, deklara Presidente Repúblika akompania servisu Presidensiál nian durante fulan hirak liu ba iha presezensa komunidade nia leet, iha informasaun katak Palasíu Presidensiál sai fali hanesan atividades governativa, ida ne’e la’os funsoens Palasíu Presidensiál nian, Presidensiál Repúblika nu’udar orgaun estadu ida numeru um iha rai ida ne’e.
Presidensia Repúblika nian preokupasaun atu hatun ba sosiadade tomak, Presidensiál Repúblika liu husi komunikandu hatoo ba lider komunitariu sira, no autoridade Munispiu no autoridade lokal sira katak Presidensia Repúblika laiha orsamentu disponivel atu atende ba atividades hirak ne’e, atividade sira durante lao iha fulan kotuk liu ba ne’e, atividade governu nian, Presidente Repúblika atu tau matan atu kontrolla atividades sira ne’e.
Asesor ne’e deklara, pedidus barak hato’o mai iha Palásiu Prezidensiál, la hatene se mak halo instrumentu ida ne’e, haruka mobiliza komunidade sira mai iha ne’e, loos duni iha loron 20 de Maiu dehan katak Palasíu Presidensiál ne’e povu nian, povu sira bele mai iha ne’e, tanba ne’e mak konsentra atu hato’o ideia, la’os atu mobiliza fali rekursu mai iha Palásiu Prezidensiál hodi fahe formulariu.
Situasaun ne’e husu ba média NGO no sosiedade tomak atu hato’o ba komunidade tomak katak Palasíu Presidensiál fatin atu halo kontrolu ba estadu Presidente Repúblika, Situasaun atual ida ne’e ema se de’it mak halo ita sei buka tuir halo prosesu, husu ba media hotu hodi fahe informasaun neebé mak loos, Palasíu Presidensiál mak asumi responsabilidade ba gestaun Finanseira orsamentu Jéral estadu” Nia informa.
Nia hatete, Presidente Repúblika ne’e kontrolu funsionamentu do estadu, agora se mak haruka ema ne’e mai, Prezidente Repúblika hatete se mak haruka mai tenki buka tuir, tanba saida motivu saida, situasaun atual iha ne’e bele akontese se mak lori mai, ohin mos Presidente Repúblika dehan ema balun mak lori mai ita buka hela ema ne’e hodi prosesa.
Proposta sira ne’ebé mak hatama ba ne’e tenki ba governu, Palasiu Prezidensiál Aitarak-laran ne’e orgaun Primeiru estadu nian no orgaun kontrolu ba estadu.
Iha parte seluk Komunidade Kulau Laletek Madalena Tilman da Silva, dehan proposta ne’e atu husu apoiu orsamentu ituan ba Presidente Repúblika hodi hadia kondisaun moris hanesan uma, informasaun kona-ba hatama proposta ne’e ami rona husi ema mak mai hatama, maibé la konsege hatama tanba dehan taka ona.
Ha’u mai hatama proposta atu husu apoiu orsamentu ituan ba Presidente Repúblika hodi hadia kondisaun moris, informasaun kona-ba hatama proposta ne’e rona husi ema mak mai hatama, maibé la konsege hatama tanba dehan taka ona.
Hafoin realiza komunikadu imprensa iha Palásiu Prezidensiál observasaun LafaekNews nian iha terenu nota, komunidade sira sei kontinua nafatin nakonu iha resistu Palasíu Presidensiál hodi dokumentus tau iha map ho Kores oin-oin hodi hamrik iha portaun entrada parte resepsionista nian, no dokumentus balun komunidade soe tama de’it iha portaun laran, rai hela iha rai.
Jornalista : Rita Moniz
Editór : Agapito de Deus
