Lafaek News – Ekipa Tane Timor-Leste (TTL) vizita inan faluk Maria Doutel ho Nia Oan defisiensia Isabel Doutel iha aldeia Loriku suku Balibar postu administrativu Laulara munisípiu Aileu ne’ebé moris iha kondisau mukit ba nesesidade uma-laran.
Portavoz ekipa TTL Natalia Soares Amaral ba Jornalista Lafaek news iha Balibar atividade vizita ne’e hanesan asaun solidariedade ida ne’e hodi observa diretamente kondisaun real ne’ebe mak familia kbiit laek ne’e infrenta iha moris lor-loron nian. https://www.lafaeknews.tl/defisiensua-isabel-hamoos-ema-nia-toos-sustenta-inan-faluk-maria/
Hafoin ami haree notísia ne’e publika iha media online lafaek news dada kedan ami husi grupo kiik ida ho naran Tane Timor-Leste nia sentimento solidariedade hodi foti ain mai laletek balibar hodi buka hatene no hare hare diretamente no senti mos saida mak familia kbiit laek ne enfrenta,’’sábadu foin lalais.
Natalia hateten ekipa tane Timor-Leste nia prezensa la’os lori murak ho mean, maibé lori netik ai-han pedasauk oituan hodi tulun inan faluk Maria Doutel ho nia oan defisiensia Isabel ba loron sorin nian hodi kontinua hatutan moris.
Apoiu solidariedade ida ne’e reflete ba ema riku no boot sira hotu katak halo buat ne’ebe simples, maibé valor boot ba ema humanu iha familia ida no mos ba nasaun Timor-Leste
Agradese mos ba media Lafaek News nia disponibilidade tamba ita bele kopera hamutuk hodi sai liman ain ba kbiit laek sira hodi loke ema hotu nia matan no sentimento hodi ajuda familia kbiit laek sira iha area remotas.Nia Hakotu
Estajiadu : Vascolino Germano
Editor : Agapito de Deus
