Lafaek News–Prezidente organizasaun Rede Feto Timor-Leste Zelia Fernades hatete, Partisipasaun feto iha Vida polítika importante agora iha Parlamentu Nasionál too ona Porsentu 30.
Kestaun ne’e hato’o husi Presidente organizaun Rede Feto Timor-Leste Zelia Fernades ho ekipa hafoin remata enkontru semanal ho Prezidente Repúblika José Ramos Horta hodi hatoo servisu no metas sira ne’ebé mak durante ne’e organizasaun ne’e halo ona.
iha organizasaun membru feto ninian ne’ebé mak hala’o oinsa asegura partisipasaun feto iha politika no mos ba iha foti desizaun ninia, Advokasia ida ne’e mai kedas husi Primeiru kongresu, ita haree katak asuntu partisipasaun feto ninia iha politika ne’e importante duni”, esplika Prezidente organizasaun Rede Feto Timor-Leste Zelia Fernades ba jornalista sira iha Palásiu Prezidensiál bairo-pite ( kuarta 06/07/2022).
Nia haktuir, Tanba ne’e mak ho kedas rede feto nia advokasia atu tau iha konsiderasaun ba iha Konstituisaun RDTL, hahu husi inisiu iha ne’eba iha artigu lubuk ida iha ne’ebè mak sensivel ba asuntu jéneru, nune’e mos iha afirmasaun asaun ne’ebé konkretamente temi kona ba feto, Ida ne’e resulta lei eleitóral, ne’ebé fo duni biban ba feto.
Atualmente iha Parlamentu Nasionál iha 40% feto, maski iha Prokupasaun ba iha nivel partisipasaun feto nian iha nivel munisipal, suku no aldeia ita seida’uk iha numeru feto ne’ebé mak signifikante iha ne’eba”, esplika RFTL.
Tuir nia katak, Núnee buat sira ne’e atu hatete katak, laos de’it representasaun feto entermus de númeru ne’e importante duni, maibé ita haree katak feto iha duni posisaun lidera ba iha rai no nasaun ida ne’e.
Bainhira ita hakarak atinji metas Igualdade jéneru ninia, ita presiza reforsa asuntu ekonomia nune’e feto bele forti iha area ida ne’e,’’Zelia hakotu.
Jornalista : Rita Moniz
Editór : Agapito de Deus
