Lafaek News–Vise Bankada Congresso Nacional Rekonstrusaun Timor (CNRT), Patrocino Fernandes dos Reis, iha nia intervensaun hateten, prezensa povu ai-leba iha palasiu Prezidente Republika la’os hamonu dignidade estadu tanba Prezidente Repúblika reprezenta povu tomak iha estadu RDTL.
Ko’alia kona-bá polémika ne’ebé ita nia povu sira ba iha palasiu prezidensial ne’e, autorizasaun husi Prezidente Republika hodi sira asesu iha ne’ebà, ita polítika lubuk ne’e labele preokupa ba povu sira tama iha palasiu, povu ai-leba sira tama iha ne’ebà ne’e, iha mos seguransa ho funsionariu sira iha ne’ebà oinsa mak organiza sira hodi tuir regras sira iha palasiu prezidensial nian,’’, katak deputadu bankada CNRT, Patrocino Fernandes iha parlamentu nasional segunda semana ne’e.
Tuir reprezentante povu iha uma fukun PN ne’e katak, kona-ba aileba sira lori produtu lokal fan iha palasiu prezidente ne’e estadu la lakon buat ruma, ema polítika sira mak preukupa los hanesan ai-leba sira hala’o buat ruma sala iha palasiu prezidente, tanba palasiu ne’e povu nian la’os ema ida nian mesak.https://www.lafaeknews.tl/aileba-konsolida-idea-rezeita-deklarasaun-deputadu-pn-uza-ppr-hanesan-bazar/
Ha’u hanoin povu ai-leba sira tama ba fa’an sasan iha palasiu prezidensial ne’e estadu la-lakon buat ida, ha’u hanoin ita politika lubuk ida ne’e preokupa sira ba faan iha ne’ebà ne’e keta prejudika dignidade estadu nian mais hau la hatene dignidade estadu ida ne’ebé mak sira prejudika, tanba sira hanesan povu. Tanba,hau hanoin iha palasiu mos iha funsionariu ho seguransa sira iha responsabilidade hodi bele organiza hela povu ai-leba sira ne’ebé hetan autorizasaun husi xefi estadu Prezidente Republika atu sira bele asesu iha palasiu presidensial,” katak Patrocino.
Vize-Bankada ne’e haktuir tan, Prezidente Republika ne’e reprezenta povu,i povu mak hili Prezidente Republika tanba ne’e sira iha direitu ho dever tomak bele tama iha ne’ebà, tanba povu mak harii estadu ne’e, maibè hamonu dignidade estadu ne’e, bainhira aprova osan boot, maibe povu mate tanba hamlaha ne’e mak hamonu dignidade estadu.
Ha’u hanoin povu ai-leba sira tama iha palasiu la hamonu dignidade estadu, tanba sira mos iha diretu ho dever hili Prezidente Republika tanba ne’e sira tama ba iha ne’ebà ne’e, ha’u hanoin ne’e la hamonu dignidade estadu, maibe liu husi ida ne’e estadu atu dignifika liu-tan povu,” hakotu nia.
Estajiadu : Felipe Soares
Editor : Agapito de Deus
