Lafaek News–Aileba-oan kompostu vendedor ambulante munisípiu Dili, sesta (01/07/2022), lansa konferénsia imprensa iha jardin 5 de Maiu hatoo pozisaun rezeita ba deklarasaun membru deputadu bankada FRETILIN kona-ba Prezidente Repúblika halibur ai-leba ho vendedor ambulante sira iha Palasiu Prezidente Repúblika (PPR) hanesan merkadu.
Iha konferénsia imprensa ne’e portavoz aileba ne’e husu parlamentu nasional ho governu loke kampu servisu hodi fo fatin ba Timor oan sira servisu hodi labele buka moris husi aileba haleu sidade Dili
Ami husu ba estadu bele loke kampu de trabalho iha ita nia rai Timor Para ami aileba oan bele serbisu, ami agradese nafatin ba media sira, tanba ita boot konsidera ami, maski ami foer maski ami kiik ita boot, maibé ita konsidera ami tau ami hanesan Timor-oan hotu iha rai ne’e hakarak hato lamentasaun ba deputadu sira husi bankada FRETILIN ne’ebe dala ruma lamenta katak ami ba palasio Prezidente ne’e ami la halo foer hatun dignidade nasaun ninian,’ katak portavoz aileba Lito da Costa .
Lito da Costa hateten deputadu bankada FRETILIN nian tenke iha fuan hanesan ema Timor-oan, lori aileba, ema kiik no ema foer sira nia votus mak ba halo deklarasaun iha parlamentu ne’e, no aileba ne’e hanesan obra tradisional husi beiala sira no kontinua too ohin loron.
Ha’u hatete hela deputadu se nu’udar Timor oan ka la’e, se fuan Timor hanoin took, tanba saida mak aileba iha, tanba saida ejiste nafatin husi beala sira to’o ami nia jeresaun ohin loron hanesan ne’e se bele kontinuasaun aileba, tanba governu ami konsidera katak kbiit husi ne’ebe naton ami seidauk kobre ba ami,ami mos ko’alia ba ida ne’e,atu nune’e mos tulun ba estadu, hadia ami nia moris husi aileba signifika katak ami mos tulun estadu,tanba estadu la iha responsabilidade,atu hadia ami nia moris, ami halo fo’er la’os ohin mak halo ida ne’e 2014-2015 ami vendedor ambulante ba ona hasoru parlamentu deputadu lubuk ida konese ami iha ne’eba deputadu Domingos da Costa husi Aileu deputada Josefa sira iha ne’ebe sira mak lori ami nu’udar vendador ambulante katak ami mak halo foer sidade Dili,’’katak nia.
Lito argumenta, deputadu husi bankada FRETILIN hateten katak aileba mak kria fali engarrafamentu iha sidade Dili ne’e, maibé aileba buka moris la impede ema seluk nia moris no movimentasaun iha sidade Dili.
Ami mak halo macet movimentu sira iha ne’e, tanba aileba mak taka dalan, ami ne’e seidauk taka dalan sekarik ita boot hakarak mobiliza sira hakarak mobiliza vida ambulante sai fali vida seluk ida bele mai, maibé ho estudu abilidade ruma para ita hadia katak nia rendimentu ne’e halo oinsa ba ami atu nune’e ba oin ami bele husik ona aileba, ita boot halo kampu traballu ruma ami husik aileba ami bele ba servisu iha ne’eba, se ita nia maluk balu sai ba rai liur ita boot sira deporta fila, agora ami iha ne’e la hetan serbisu, ami lori aileba ida ne’e, ami nunka halo problema ami lori aileba ne’e hodi hadia ami nia moris,’’dehan Lito.
Porta voz ne’e dehan, aileba nunka tane liman iha estrada laran no ba parlamentu ho governu, buka rasik moris husi aileba, la’o kosa-metan suli iha loron manas no udan laran hafoin hetan osan la’os tane liman mak foin moris.
Ami nunka tane liman ismola ba parlamento ka governu ne’e la iha husi ami nia aileba duni ami transforma ami nia aileba ida ne’e sai fali osan atu nune’e bele sustenta ami nia familia,ami iha ne’e balu iha mos lisensatura, balu sekundariu, no balun ,husi aileba, lori aileba mak selu ba lisensatura, la’os estadu mak selu, estadu fo bolso estudu haree de’it nia familia, hanoin deputadu sira nia fuan ka la’e sekarik deputadu hanoin katak ami halo foer, se hanesan ne’e deputadu mai husi foer ka lae, uluk ne’e ami lubuk ida vota ba ukun an, uluk halai ba Kupang Atambua, ohin loron ami terus hela ita nia rai, uluk mos terus agora mos terus nafatin, maibe ami konsidera nafatin estadu kapasidade finanseiru ne’e fasil hela, la’os ida fasil la’e jestor ne’e orsida laiha kapasidade atu halo jestaun ba nasaun ida ne’e.
Jornalista : Osias Eco
Editor : Agapito de Deus
