Lafaek News–Ministra Saúde (MS), Odete Maria Freitas Belo, rekoñese ezisténsia Hospitál Nasionál Guido Valadares (HNGV) ba dala-XIX, hasoru liu difikuldade ekipamentus ho Aimoruk atu sustenta nesesidade pasiente sira ho dignu.
Ministra Saúde hatoo asuntu ne’e ba jornalista sira iha HNGV, kuarta (29/06/2022) iha ámbitu aniversiáriu ezisténsia HNGV ba dala XIX, maske iha preukupasaun boot liu sobre ekipamentus ho ai-moruk, maibé governu sei esforsu hodi buka solusaun netraliza situasaun hirak ne’e atu servisu atendimentu bele la’o di’ak liután.
Liga ba ekipamentus ita bo’ot sira labele husu tamba ekipamentus aimoruk sai preokupasaun bo’ot ,maibe sasan sira ne’e sei iha fase prosesu sosa nia laran, (SAMES) no (HNGV), ha’u akompaña kona-ba aimoruk laiha, maibé ha’u espera katak sei resolve problemas ne’ebé agora da-daun iha HNGV,” tenik MS Odete Maria Freitas Belo.
Hodi dehan, ema hotu hatene HNGV harii iha tempu Ukun An too ohin loron, ba da-daun planu mestre (master plan) HNGV nian sei realiza prosesu reabilitasaun iha tinan 2022 ne’e liu husi konkursu públiku pediatria andar 5.
Ita hotu hatene ospital ne’e halo iha tempu ukun an to’o agora da-daun iha ona master plan ba hospital ida ne’e, no ha’u espera katak iha tinan ida ne’e ami bele halo i la’os konstrui, maibé ita halo tenderizasaun ba edifisiu pediatria ho andares lima (5), maibé iha tinan ida ne’e sei halo prosesu aprosimasaun katak tinan 2023 ita sei konstrui ou harii fatin ruma,’’katak ministra ne’e.
Iha aniversáriu HNGV ba dala XIX tinan 2022 ho tema ‘’ami nia dedikasaun hodi fo kuidadu saude neebe mak kualidade seguransa ba pasiente iha HNGV ” no loron solenidade ba S. pedro S. Paulo nia loron moris ba Hospital Nacional Guido Valedares.
Selebrante Pe. Emanuel Lelo Talo hato ‘o parabens ba aniversáriu Hospitál Nasionál Guido Valedares (HNGV) no loron ne’e mos selebra solenidade S. Pedro S. Paulo ninia loron moris ba Hospitál Nasionál Guidu Valedares nia ba dala 19 no agradese ba maromak, tanba loron ohin bele konese liután oinsa Jesus kura ema moras
Parabens ba loron aniversariu ba Hospital Nacional Guidu Valedares HNGV nia ne’ebe mak ohin selebra tinan ba dala 19 no hili mos loron solenidade S.Pedro no S. Paulo no ita agradese ba maromak tamba lorin ohin ita bele konese liu tan oinsa jesus kura ema moras sira ,no se mak loron kalan tuir jesus nia mak bele kura ema moras hanesan S. Pedro ho S. Paulo kura ema,”dehan padre Emanuel Lelo Talo.
Nailulik ne’e hatoo mós lia-fuan mensajen importante tolu ne’ebe nia hakarak atu hato’o liu-liu ba doutor-doutora sira antes atu kura ema moras iha Hospitál Nasionál Guido Valadares, fasilidade ka aimoruk lori Jesus nia naran mak kbiit tolu hanesan haburas kna’ar loro-loron nian nuudar pessoal saúde ne’ebe mak servisu iha ospitál tenke prepara an.
Hakarak atu dehan ba imi lia fuan importante tolu ne’ebe hau hakarak hato’o ba doutor doutora sira antes kura ema moras iha Ospital ida, prepara imi nia an ,rua prepara fasilidade ka aimoruk sira tolu,prepara jesus,iha buat tolu ne’e doutor sira tenke lori hein katak nai maromak sei kura ema moras no tenke halo atendimentu kapa’as ba pasiente sira,” dehan padre Emanuel
Observasaun jornalista lafaek news iha terenu nota iha aniversariu HNGV ba dala 19 ne’e partisipasaun másimu husi pessoal saúde HNGV inklui konviksaun relijozes sira hamutuk ho Ministra Saúde, Odete Maria Freitas Belo hodi festeja loron ospitál nasionál ne’e.
Jornalista : Domingas Viana/Juliao Pacheco
Editor : Agapito de Deus
