Lafaek News–Xefe suku Villa-Verde, Arranhado hateten nu’udar lider komunitáriu maske kbiit podér natoon de’it, maibé tenke iha fuan boot hodi hakuak komunidade no prontu atu resolve problema no foti solusaun ne’ebé komunidade sira sente hakmatek.
Arranhado kandidatu an iha 2009 konsege simu kargu nu’udar lider komunitariu husi 2009 to’o 2016 kontinua re-aleitu to’o agora, suku vila-verde, aldeia hamutuk 9, durante sai hanesan xefe suku nia halo mudansa ba komunidade hanesan, halo kampo futsal, momentu ida ne’e, valeta no drenazen.
Problema ne’ebé ha’u hanesan xefe suku hasoru problema prinsipal iha suku ida ne’e ema hadau malun rai, no balun okupa ema nia rai, too ikus sai problema, no rai ne’e problema ne’ebé sensitivu liu, bainhira problema maneira hanesan lider komunitaria, ami fasilita de’it, se sira hakarak simu malun, simu malu, se sira lakohi simu malu, ami rekomenda ba terras propriedade, atu haree ba problema refere, labarik sira hemu tua lanu too baku malu, se akontese hanesan ne’e hanesan xefe suku bolu oan sira mai iha sede suku, hodi resolve tuir kultura Timor nian no koalia hodi fo hanoin ba sira,’’dehan Abdul Mancoli Arranhado ba lafaek news iha kna’ar fatin sede suku Villa-Verde foin lalais.
Abdul hato’o mos agradesimentu boot tebes ba Programa Nasionál Dezenvolvimentu Suku (PNDS) ne’ebé hala’o reabilitasaun estrada no valeta ikus mai fo beneficial direta ba komunidade aldeia 9 iha suku Vila-Verde nian.
Ha’u orgullu ho Programa ne’ebé fo apoiu husi PNDS, program halo estrada no valeta ba ha’u nia komunidade sira benefisiu, tanba foin da-daun ne’e, ami inagura estrada ida sira fui beton ou semente de it, husi aldeia Mate-Moris nian, agora da-daun ami ho PNDS prepara atu loke tan estrada foun, fui semente de’it ba aldeia no bairu-laran ne’ebé estrada seidauk di’ak no balun át ona hodi halo rekonstrusaun fali no agora planu atu halo Uma Kbi’it Laek,’’ hateten nia iha Sede suku Vila-Verde.
Suku Vila-Verde bee sa’e bainhira udan, se bailoro naruk sira mos krize, tan ne’e be xefe suku fo inisitiva halo prefurasaun bee hodi antisipa nesesidade bee mos ba populasaun sira iha tempu bai-loron naruk
Maibé to’o agora seidauk bele kanaliza sae ba iha leten atu tau tanke hodi halo distribuisaun tun fali mai komunidade mak seidauk, maibe tempo badak ha’u espera buat hotu sei resolve,’’katak Abdul
Hanesan xefe suku hato’o ba governo kontinuador agora tenke tau matan ba komunidade sira ne’ebé kbiit laek, no ba komunidade Vila-Verde husu tenke mantein paz no estabilidade para iha desenvolvimentu iha suku laran.
Estajiada: Ângela Carvalho.
Editor : Agapito de Deus
