Lafaek News–João Pinto idade (70) husi munisípiu Manufahi, nu’udar defísiesia ain ne’ebé loro-loron tenke fan sasán elektrónika ne’ebé nia sosa fali husi loja Xinezas fan tutan atu hetan netik osan $1.00 ida ba loron ida.
Istória kona-ba negósiu João, antes ne’e niia fan ona produtu lokal hanesa modo, maibé too dalan-klaran labele kontinua fan produtu lokál ne’e, tanba hetan tiha dezastre (motor soke), iha loos ámbitu atividade negosiu, tan ne’e tenke halo tratamentu intensivu ho aimoruk tradisional too kanek rekupera, maibé ain sorin tenke la’o kadiik hanesan ema defisiénsia.
João Pinto haktuir maské nia idade ona no defísiensia ain, maibé ida ne’e la sai barreira ba nia hodi kontinuá luta ba nia moris, maromak sei la taka matan, bainhira tuku odamatan sei nakloke no buka sei hetan, maibé labele tuur hein he’it de’it iha fatin sei la monu hanesan udan husi kalohan leten no sel la hanesan lalloran tasi lulun la tuir tempu.
Ha’u antes ne’e fan modo, maibé tanbá ha’u hetan tiha desastre motor soke ha’u, no ikus mai ha’u nia ain tohar entaun ha’u labele kontinuá fan modo, tán ne’e ha’u iha inisiativa hodi foti fali sasan iha loja Xina nia hodi kontinuá fan nune’e bele hetan fali osan”, dehan Joaõ Pinto ba lafaek news iha Merkadu Taibesi foin lalais.
Entretantu João Pinto haktuir osan inan ne’ebé nia gasta mak hamutuk $10.00 too $15.00 dolar, loron ida nia hetan osan funan (jurus) $1.00 de’it, maibé bele responde netik etu bikan ida iha loron ida nian.
Bainbain ha’u ba loja Xina hola sasan hirak ne’e gasta osan inan $10.00 too $ 15.00 no sasan sira mak hanesan Heanseadt, ar bomba, tali chas, bateria, no pilla, ho razaun ha’u hakarak hola sasan ne’e tanba aat kleur no Kmaan, tanba ha’u nia kondisaun labele hiit sasan todan” Haktuir João Pinto.
Iha parté seluk João Pinto hateten loro-loron nia tenki la’o hale’u merkadu Taibesi hodi hetan netik osan $ 1.00 dolar hodi hola etu bikan ida, se la la’o hein de’it iha fatin laiha ema atu sosa.
Dadersan madrugada ha’u sai husi ona uma mai merkadu Taibesi, hodi la’o hale’u merkadu husi dader too loraik no dalaruma ema hola netik de’it $ 1.00 lae $ 2.00 no osan ne’e ha’u uzá fali ba hola hahan etu bikan ida nomós fó netik ba beioan sira sa’e kareta ba eskolar”, haktuir João.
Estajiada : Zita Menezes
Editór : Agapito de Deus
