Lafaek News–Prezidente Komisaun Nasionál Eleisoens, José da Costa Belo, deklara subvensaun ba kandidatura ne’ebé kompetente iha eleisaun prezidensiál períodu 2022-2027 Komisaun Nasionál Eleisoens ( CNE) sei prosesu hela tuir lei hafoin haruka ba Ministériu Finansas hodi halo pagamentu.
Subvensaun ba partidus polítikus foin dadauk kampania eleisaun Presidensial 2022-2027 dadaun ne’e prosesa hela tuir lei, hotu-hotu iha direitu ita la’o tuir ida ne’e, la’os dehan nia boot ka kiik supbvensaun $.4.00 kada votu ida, dadaun prepara ona atu haruka ba Ministériu Finansas hodi halo pagamentu”, dehan Prezidente CNE José Agustinho da Costa Belo hafoin remata enkontru semanal ho PR José Ramos Horta iha Palasiu Prezidensiál Bairu-pite, segunda ( 27/06/2022).
Prezidente CNE ne’e katak, orsamentu ba kandidatura sira ne’e depende ba votus ne’ebé kandidatura hetan, tékniku liu haree hela, kandidatura ne’ebé manan votus barak liu hetan diretu boot, manan votu uituan diretu mos ki’ik, kada votu ida hetan $4.00 hanoin ema ida-idak hatene ona sira nia númeru.
Total orsamentu ba kandidatura sira ne’e konsentra iha ministeriu finansas, CNE haree liu ba mekanizmu no auditoria ne’ebé halo iha relatóriu ne’ebé mak iha”, hatete Presidente CNE José Bello.
Jornalista : Rita Moniz
Editór : Agapito de Deus
