Autór: Delsio Guimarães
Iha inísiu fulan Juñu tinan ne’ e, publiku hakfodak ho relatoriu ne’ebé publika husi Banku Mundiál (Word Bank) kona ba mudansa ekonomia Globál no sai ona trending topic iha diskusaun publiku ne’ebé publika iha Notísia Nasionál to’ o no viral iha Mídia Sosiál.
Publikasaun relatoriu ne’e sai atensaun no alarme ba lider mundiál sira tamba hato’o kona ba predisaun resesaun ekonomia ne’ebé sei halo sofre ba Populasaun sira iha Nasaun dezemvolvidu sira, sita iha relatoriu ne’e katak Ekonomia Globál iha predisaun sei sa’e de’it 2,9% entre ponto 1,2 tuir kalkulasaun iha fulan Janeiro tinan 2022, risku husi stagflasaun bo’ot liu ho nia konsekuensia ne’ebé ho potensia sei provoka estabilidade ekonomika ho rendimentu minímu no mediu hodi afeta ba resesaun Ekonomia mundiál.
Ida ne’e impaktu hahu kedas husi pandemia Covid19 no tensaun funu iha Europa, invazaun Rusia ba Ukráina ne’ebé afeta folin mina internationál sae, sasan baziku sira, iha relatoriu ne’e mos sita sei iha Nasaun 60 ne’ ebé sei sofre krize ekonomia, realidade hatudu iha Regiaun Asia Nasaun Srilanka nia ekonomia hahu monu no sai estado ne’ebé nia ekonomia Bankrut tamba Nasaun iha tusan/deve ne’ ebé maka’as no labele selu hotu iha tinan sira oin mai.
Se ita hanoin didiak parese ita mos sente hela impaktu husi situasaun ekonomia ida ne’ebé la estavel, tamba iha ligasaun ho ita nia realidade moris nian, konkretu mina tein nian folin sa’e iha loja no merkadu, mina gazóel no gazolina folin sa’e, tarefas kareta publiku (bis no mikrolet) sae husi entre $ 4.00 – $ 10.00 ba Munisipiu nomos sasan nesesidade bázika seluk ne’ebé que folin sa’ e maibe ita labele hatene tamba ita la ba merkadu ka lojas hodi halo ita nia halo valor kompras menus, mas ema sira ho salariu $ 1, 000.00 ba leten no simu osan pensaun vitalisia/ pensaun espesiál sira seluk ne’ e sente normál hela kompara ho Povu bain-bain + 670, laiha mos kampu servisu ba Timor-oan sira, liu-liu Joven sira nune’ e afeta tebes joven sira dezaraska rasik ba servisu iha Rai liur to’o ema haruka Timor-oan siira balun ba rai liur ho dalan ilegál (kategoria trafiku humanu), iha tan publikasaun ida husi Sosiedade Sivil sira katak ita nia riku soin Minarai –Gas iha Bayu-undan ne’ ebé uniku reseitas durante ne’ e Estado dependente ba tuir estimasaun sei maran iha tinan badak nia laran, mas Publiku kontinua hakmatek ho situasaun ne’e.
Buat hirak ne’e akontese tamba ita laiha meios atu antisipa, ita nia situasaun makro-ekonómika la funsiona normal biar ita iha OGE ne’ebé aprovado tinan-tinan ho montante Billaun 1-2, sirkulasaun osan iha rai laran la sufisiente, setór privado no públiku depende ba konta estadu (OGE) tinan-tinan, atividades produsaun ba sasan nesesidade báziku laiha (ita la produs rasik) no menus la responde ba komsumu internu satan atu faan/exporta ba rai liu? (MEHI), laiha insentifikasaun no subsídiu ba produtos agrikola sustentavel no atividade industria kreativas subtituente no inovativu ne’ebé iha valor ekonomiku no buat sira seluk ne’ ebé presiza sai análiza kritiku, seriu ba tempu naruk.
Koalia kona ba situasaun ekonomia ne’ e, realidade iha ita nia rai boot sira kaundu rona halo finze la rona, hare mos finze la hare, hanesan los ema inosente no iresponsável, hare mak Politiku sira haklalak malu deit iha sira nia fatin, duun malu… ohhh tamba tinan 10 la halo buat ida ne’ e mak agora ita hanesan ne’ e ou tinan 5 ikus ne’ e sira kala ba promete no halo saida deit maka la hare folin mina sa’e, admira liu tan maka bainhira loke Livestreaming iha Mídia kona ba enkontru parseiru sira dezenvolvimentu Timor-Leste nian -TLDPM (Timor-Leste Development Partnership Meeting) iha semana hirak liu ba membru Governu ida koalia no husu ba parseiru Dezenvolvimentu (Doadór) sira atu tau uluk osan hira hodi apoiu ba dezenvolvimentu Nasaun nian, eipa… Governu tau uluk osan hira lai mak ita husu ba Doador sira ne’e sa? Kok ita sai lider ho mental tane liman ho modal sekedar sai Devedor no aban bainrua kria problema ba jerasaun sira tuir mai, posa imagina ita bele sai hanesan Rai seluk no sai Bankrut, kiak to’ o sai Estado Failladu? Nune’ e mai hau kultura politika fo sala ba malu, nudar Timor-oan Politiku sira moralmente la presiza fo sala ba malu, fo liafuan siniku ba malu too gossip no gálau ba malu, liu-liu sai fanatiku ba lider ida no haluha hanoin kritku problema Povu nian ne’ e la importante liu.
Nudar sidadaun ne’ebé sensivel no akompaña situasaun mudansa ekonomia Globál hare ba numeru sira kona ba kresimentu tun ho estagnasaun ekonomia monu, hare husi expert sira nia análiza pior liutan ho silensiu husi ita nia nai ulun sira, sente hetan pergunta “ Tansa tenke preokupa ba mudansa ekonomia Globál?” resposta hau nian maka simples deit “ Tamba durante ne’ e ita depende demais, la orientadu no foku (disoriented and focus), ita sai adeputs (penontong) setia ba Era Dijitalizasaun no teknolójia avansadu (Ita marka pasu iha trend economy 0.2), iha parte seluk ita preokupa tamba ne’ e ligadu ho ema nia moris no futuru ita nia Nasaun no oan sira nian, Ita tauk ba ita nia oan sira nia futuru labele terus, los duni laiha Nasaun ida ne’ eb’e la depende bar rai seluk ka izola-an mas tempu ona ita tenke buka dalan (terobosan) foun, tenke hanoin ona (laos ho promesa no liafuan mamuk de’it).
Ba hau soluasaun diak maka ita karik bele fo resposta ba pergunta sira kona ba saida mak ita tenke halo agora no hanoin ba ita nia Rai iha tinan 5/10/15 Governasaun ida oin mai atu ita bele antisipa saida mak ita asegura iha Soberania aihan no Auto-emprego karik Nasaun Indonesia/Vietnam/Thailandia sira mos iha resesaun ekonomia no la haruka sira nia sasan nesesidade baziku hanesan Mina no fo’os mai Timor-Leste? Apakah ita sei iha lider Politiku foinsa’ e sira ne’ ebé sei konsiente no iha fuan atu koalia kritiku to’o hanoin tinan 20-30 oin mai no iha ambisaun atu loke industria ho eskala kiik no boot, kontextualiza, flexible, interconnecting area, rapidu hodi responde ba merkadu Trabalho internu ho salariu masimu hodi Joven sira labele ba servisu iha Rai liur no sertamente bele no bele apoio mos ba sirkulasaun ema, sasan/material no osan iha rai laran entre Suku/Munisipiu ba Munisipiu seluk hodi hasa’ e ita nia kresimentu ekonomika? Iha ka lae Banku sira pro-ativu atu fasilita kreditu ba ita nia seitor privado sira ho juros kiik atu sira bele halo aktividade industria no negosiu boot ba diversifikasaun ekonomika?.
Iha ona asaun konkretu ka lae ba diversifikasaun ekonomika liu husi investimentu publiku no privado iha area Agrikultura no Turismu atu sai alternativu hodi nune’ e bele sai nudar fonte reseita ne’ebé bo’ot no bele subtitiu minarai no gas ba ita nia rendimentu iha futuru? No pergunta kritiku sira seluk ne’ ebé tenke sai diskusaun Joven Timor-oan sira ne’ebé sira hela ba atu tau hanoin hamutuk hodi antisipa funu Ekonomia iha tempu oin mai.
Bersatu tetap teguh atau 2023 Bercerai kita koalisi lagi “ Bele halo koalisi ba mas presiza hanoin kreativu, produtivu, servisu lalais atu responde ba interese diak Povu nian. Obrigado wain!
Opiniaun hotu ne’ ebé hatuun iha Artigo ne’e nudar hanoin pesoal no la reprezenta organizasaun ne’ebé hau haknar-an ba. Iha preokupasaun ruma kona ba Artigo ne’ e bele konfirma + 670 7728 2642 / 7548 7642 – email: delsio.guimaraes4981@gmail.com
