Lafaek News–Líder Istóriku Kay Rala Xanana Gusmão iha loron 17 Juñu to’o 12 Jullu 2022 sei aranka Bruxelas hodi atende Forum Loron Dezenvolvimentu Uniaun Europeia 2022 nian husi 18 – 22 Juñu.
Vizita servisu ne’e hanesan reprezentante Espesial ba Prezidente Republika José Ramos-Horta.
Tuir ajenda durante iha Bruxelas, Xanana Gusmão nu’udar Xefe Negosiador ba Fronteiras Marítimas sei hala’o fali viajen ba Londres hodi hala’o reuniaun estratéjika ho Konsellu Jurídiku sira kona-ba Negosiasaun Fronteira sira Rai no Tasi nian.
Husi Londres, Eis Xefe Primeiru Ministru ne’e sei hala’o fali nia viajen ba Lisboa hodi lidera delegasaun Timor-Leste nian ba Konferénsia Oseanu ne’ebé ONU mak organiza husi 27 Juñu – 1 Jullu hanesan Reprezentante Espesial Prezidente Repúblika nian no Timor-Leste nia Reprezentante Espesial ba Ekonomia Azul.
Xanana Ho ekipa sei hala’o mos atividade sira ne’ebé g7+ mak organiza nu’udar Pessoa Eminente g7+ nian. (remata🇹🇱)
Media ofisial CNRT
