Lafaek News–Embaixadór Uniaun Europeia iha Timor-Leste, Andrew Jacobs, hatete Uniaun Europeia fó nafatin apoiu ba povu Ukránia iha krize ida ne’ebé nunka akontese da-daun ne’e fó tan asisténsia polítika, finanseiru no umanitáriu.
Embaixador Uniaun Europeia iha Timor-Leste Andrew Jacobs hato’o asuntu ne’, iha segunda (13/06/2022) liu husi diskursu hafoin partisipa iha serimonia lansamentu livru Matadalan Reportajen sensivel ba Jéneru iha Novu Turizmu.
Ami fó nafatin apou ba Ukránia no ninia povu iha krize ida neebé nunka akontese daudaun nee. No ami sei fó tan asisténsia politika, finanseiru no umanitáriu. Ida nee laos deit violasaun boot ba lei internasional. Ida nee violasaun ida ba prinsípiu báziku konvivénsia umanu nian,” dehan Embaixador Uniaun Europeia Andrew Jacobs iha salaun Novu Turismu.
Embaixadór ne’e haktuir, liu ona marka loron atus ida husi Rúsia funu nian ne’ebé la provokadu no injustifikadu hasoru Ukránia, Terus ba ema mate, destruisaun no invazaun ilegal kontinua nafatin, Uniaun Europeia nafatin forte no unidu hodi defende Ukránia no orden juridika internasionál.
Uniaun Europeia harii ho valór komún sira, inklui direitu fundamentál sira, dame, liberdade, demokrasia no dignidade umana, valores hirak ne’e sai hanesan baze ba ita nia sosiedade no ita nia identidade komun”, dehan Embaixadór UE.
Tuir Embaixadór katak, Ba demokrasia ida atu haburas, sosiedade sivíl ativu ida no imprensa livre ne’ebé garante pluralizmu mak nesesariu, ida ne’e mak garantia ba direitu no liberdade fundamentál sira.
Jornalista : Rita Moniz
Editór : Agapito de Deus
