Lafaek News–Traballador Timor oan hamutuk ema nain 66 tuir planu sei semo iha loron tersa (14/062022) ba servisu iha area peskas iha Korea do Sul.
Iha serimonia despedida kinta (09/06/2022), Diretor Jeral Formasaun Profissional Emprego SEFOPE, João das Neves iha nia diskursu hateten husu traballador Timor-oan ne’ebé iha tempu badak sei aranka ba Korea do Sul reprezenta povu no Nasaun Timor Leste hodi servisu iha rai Korea tenke servisu disiplina.
Ha’u nuudar xefe gabinete iha SEFOPE hakarak husik hela mensajen ba alin traballador sira iha tempu badak sei aranka ba Korea Sul, ba servisu iha ne’eba reprezenta governu Timor-Leste hodi servisu iha ema rain, husu ba inan aman sira atu halo orasaun reja ba sira atu sira saúde diak nafatin servisu ho diak bele hadia ekonomia familia,” João rekomenda.
Diretor ne’e husu ba traballador sira labele hases an husi sistema ne’ebé governu Timor Leste aplika, labele interompe oportunidade ba joven sira ne’ebé sei hakarak ba rai Korea.
Tanba sira reprezenta governu no estado hatudu ita boot sira nia komportamentu, hatudu ita sira nia disiplina, hatudu ita boot sira nia attitude nu’udar Timor-oan no mos sidadaun ne’ebé diak tenke submete ba ema nia regras ne’ebé estabelese iha rai Korea, importante kuandu hakarak muda mudu primeiru muda uluk ita an,” nia akresenta.
Jornalista Estajiadu : Arnaldo Nunes
Editor : Agapito de Deus
