Lafaek News–Presu nesesidade bázika iha merkadu munisípiu Lautém kontinua aumenta impede rendimentu ba kioske kiik ne’ebé menus komprador tanba sasan karun.
Negosiante Rosalina da Costa ba lafaek news munisípiu Lautem hateten, loron ba loron ema sosa nain sira ladun hakbesik ba kioske ho loja iha merkadu ho razaun presu nesessidade kontinua aumenta kada loron.
Agora fos ho kilo grama 25 ha’u sosa $14,25 agora fan $15. Fos ho 30 kilo sira fan ba ami $17, agora ami fan fali ba ema hola $18, mina bimoli 2 liter 6,50 uluk ami fan $2,50 ami hola dox ida $ 32,50, litru ida $1, $2 doz $40 lima liter doz ida agora ema fan mai ami $54 jergen ida $15, masin midar saku ida $37 50 kilo, uluk $30 super me doz uluk $6,50 agora $8,025, trigu $17, 50 uluk $14, 50 ho sasán folin ne’ebé sa’e makas ami mós tauk atu fan sasán tanba tauk ema la hola ami nia sasán”
Rosalina arguments ba da-daun nia sei fan, maibé sasán folin kontinua sa’e nia mós tauk atu fan sasán, maibé tuir nia katak nia moris loron kalan depende de’it ba kioske kiik oan inklui sustenta oan ne’ebé halo hela estudu iha Dili.
Rosalina husu governu atu buka solusaun ba presu nesesidade bázika iha merkadu nasional too munisípiu hotu, tanba povu kiik sosa la kotu ho razaun laiha rendimentu osan liu-liu populasaun munisípiu Lautém.
Iha sorin seluk, negosiante merkadu Lautém, Agusto Pereira mos ezije governu atu halo intervensaun rápida iha merkadu hodi normaliza presu nesesidade bázika fila-fali ba normal.
Presija duni governu intervein hodi hatun sasán faolin fos saku ida ita sosa mós labele ona tanba tenke kontrola sasán folin hodi fo biban ba sira nia kbiit atu bele sosa san iha merkadu ka kios sira iha Lautém,’’Agusto rekomenda.
Observasaun Lafaek news nota populasaun munisípiu Lautém porsentu 70 uza ona mina lokal ne’ebé produz husi nuu.
Jornalista : CE.Lautem
Editor : Agapito de Deus
