LafaekNews–Enkaregadu Embaixada Estadus Unidos Amerika ( EUA) Tom Daley hatete, Lakleur tan sei iha asinatura akordu programa millennium Challenge corporation (MCC) programa compacto ho governu Timor-Leste iha area bee saneamentu no edukasaun.
Enkaregadu Negósiu Embaixadór estadus Unidos Amerika (EUA), Tom Daley hatoo asuntu ne’e hafoin remata enkontru semanal ho atùal Presidente Repúblika José Ramos Horta iha Palásiu Prezidensiál bairo-pite sexta ( 03/06/2022).
Lakleur tan sei iha asinatura akordu Timor-Leste no EUA ba programa millennium Chalenge korporation (MCC) programa compact ho governu Timor-Leste, Programa ne’e sei foka liu ba iha area rua bee, saneamentu no edukasaun”, Dehan Enkaregadu Negósiu Embaixada estadus Unidos Amerika ( EUA) Tom Daley ba jornalista iha Palásiu Prezidensiál bairo-pite sexta (03/04/2022).
Tuir enkaregadu Embaixada EUA iha TL ne’e katak, Programa Compact ne’e EUA sei oferese orsamentu miliaun $(420) atus haat rua nulu.
Aleide Timor-Leste Komemora tinan 20 restaurasaun independénsia, ami mos Komemora tinan 20 relasaun vilateral entre Timor-Leste no EUA, Kooperasaun durante ne’e bazeia ba pilar tolu, belun, parseiru, oportunidade”, esplika Embaixada EUA.
Iha fatin hanesan Diretora Misaun USAID Zema Semunegus haktuir tan USAID mos iha ne’e keleur ona desde 2001, fo ona apoiu ba programa apoiu Dezenvolvimentu Timor-Leste ho orsamentu hamutuk liu miliaun atus tolu lima nulu.
Ami fokus liu ba programa rua ih Timor-Leste ida mak kona ba diversifikasi ekonomia, ida mak governasaun, I iha programa governasaun nia okos ami mos apoia hametin sistema saúde”, dehan Diretora Usaid Zema.
Tuir Diretora USAID, Ohin mos ko’alia kona ba Igualdade jéneru nia, importante usaid ho doador sira no parseiru dezenvolvimentu sira mos apoiu ba ida ne’e, oinsa atu hadi’ak situasaun ekonómia feto sira nian, oinsa bele reselente liu.
Jornalista: Rita Moniz
Editor : Agapito de Deus
