Lafaek News–Populasaun suku Liurai postu administrativu Reméxio, munisípiu Aileu, hatoo agradesimentu boot ba oitavu governu lideradu Taur Matan Ruak, liu husi Bee Timor Leste (BTL) ne’ebé kanaliza bee mos no harii eletrisidade ba povu kiik suku Liurai bele asesu bee mos no sente naroman eletrifikasaun.
Xefe suku Liurai, Jacinto da Costa hateten, populasaun suku Liurai la asesu eletrisidade ho bee mos durante tinan 20 nia laran moris iha nakukun no laiha bee mos hodi garante sanemantu diak ba labarik sira nia saúde, ohin loron komunidade sira hamnasa ho kontente tanba oitavu governu halo instala netik bee mos ho eletrisidade ba suku remotas Liurai.
Iha ámbitu inaugurasaun bee mos iha suku Liurai Reméxio, Jacinto afirma agradese ba governu bele estabelese ona bee mos mai iha suku ne’e rasik ba komunidade sira, husu komunidade garante kanu bee ne’e labele a’at too nia mandatu remata, husu komunidade benefisiáriu uza bee kuidadu hodi kontinua uza.
Durante tinan naruk komunidade sira susar tebes atu asesu ba bee mos, tanba bainhira tempu udan komunidade kuru be’e iha bee matan, maibe bainhira tempu bailoron komunidade sira duni tuir bee la’o distánsia dook hodi kuru bee mos iha bee matan,’’katak Xefe suku Liurai ba jornalista sira iha suku Liurai, sábadu (29/05/22)
Iha fatin hanesan, Prezidente EDTL Paulo da silva, haktuir haree ba konstrusaun refere tuir kriteria katak liu kilu-metru 2 hafoin loke konkursu públiku, maibé haree ba ezijénsia komunidade EDTL iha responsabilidade hodi responde, nune’e EDTL deside intervensaun direta hodi aselera prosesu instalasaun ohin komunidade sira asesu ona naroman.
Tanba ne’e inisiativa autoridade lokal too iha EDTL kosulta ko’alia komunidade prontu kopera ho EDTL, tan ne’e EDTL mai halo intervensaun direta aselera prosesu implementasaun hodi hatan ba problema hirak ne’e,’’ katak diretor EDTL ne’e.
Estajidu : Nicolao Fernandes
Editor : Agapito de Deus
