Lafaek News–Olandina da Silva nu’udar vítima abuzu seksual iha loron konsulta Popular 30 de Agustu 1999 husi Milisia besi merah putih (BMP) sente triste too ohin loron seidauk loke justisa ba hahalok milisia nian iha funu 1999.
Fuan sei moras karik lei ne’e fo dalan ba sira ha’u hakarak sira hetan justisa tanba sira halo krime mai ha’u, no agora sira agora iha ne’e, ha’u hare sira, ha’u laran moaras,” dehan Olandina da Silva idade 54 ba lafaek News hafoin dadalia iha suku Maumeta aldeia Maumetalau Postu Bazartete munisípiu Likasá iha nia rejidénsia, tersa (24/06/2022).
Olinda dehan, husi nia kontribuisaun ba luta ukun rasik ne’e hetan ona kondekorasaun medallia husi estadu ho grau 4 a 7, bazeia ba nia involvimentu iha funu 1975 hanesan brigada mobilizasaun hodi organiza joven rekoilla aihan hodi lori ba ailaran fo han FALINTIL too 1999.
Ha’u nia kontribuisaun ba luta ne’e estadu fo ona kondekorasaun medaila ho grau quatru a sete ne’e konta husi ha’u nia involvimentu ba funu iha tinan 1975, hanesan Brigada Mobilizasaun hodi organiza joven sira hodi rejoliha hahan hodi lori ba ailaran fo han ba FALINTIL sira to’o tinan 1999 maka Milisia sira hatene hodi ba direita nia uma hodi halo abuju seksual ba nia,’’ dehan Olandina
Olinda konta, iha Tinan 1999 ha’u nia katuas oan halai sai ba ailaran maka milisia sira aproveita mai ha’u nia uma hodi baku ha’u obriga ha’u hodi fo tua ha’u hemu no buti ha’u nia isin lolon, maibé ha’u lakohi fo isin, sira kastigu ha’u tenke jura ba bandeira mera putih iha dia 5 de Junu 1999 iha sede Suku Maumeta nia bandera hun.
Olandian konta katak Milisia sira ne’ebe halo abuzu seksual mesak Likisá oan no balun agora servisu hanesan funsionario iha Likisá-vila.
Vítima Olandina fahe malu ona nia kaben iha funu iha Tinan 2004 tanba diferente idea ba partidu polítikus vitima hili Partido Povu de Timor lidera husi Jaco Savier no nia laen Silvinu Ribeiro ( Eis Sefe Suku ) Maumeta involve an iha partido FRETILIN, Vitima Olandina iha oan rasik nain tolu feto ida mane rua hakiak nain rua feto ida mane ida.
Jornalista : Acacio Pinto
Editor : Agapito de Deus
