Lafaek News–Centru Nasionál Chega ( CNC) servisu hamutuk ho GIZ-SAUP ( Deutsche gesellschaft fur internationale Zusammenarbeit- the Southeats Asian University patnership) no Asosiasaun Jornalista Timor-Lorosa’e ( AJTL) oferese formasaun jornalismu ba paz ba estudante universitáru nain 25 hodi koleta fali sobrevivente sira ne’ebé mak kauza husi funu durante tinan 24 nia laran.
Ofisiál Senior Division Edukasaun no Formasaun CNC, Matias dos Santos hatete, formasaun jornalismu ba paz hanesan atividade ida ne’ebé dignifika Sobrevivente sira ne’ebé mak durante ne’e istória la mosu iha públiku maske partisipa iha funu, kontribui makas iha Timor-Leste.
Formasaun jornalismu ba paz hanesan atividade ida ne’ebé kompleta atividade hatutan memoria durante ne’e CNC halo tiha ona, hodi dignifika Sobrevivente sira ne’ebé mak durante ne’e nia istoria la mosu iha publiku maske partsipa iha funu, kontribui makas, maibé sira nia istoria memoria la mosu iha publiku”, hatete Matias dos Santos, iha ámbitu serimonia loke formasaun jornalismu ba paz iha salaun CNC Balide Dili, segunda (09/05/2022).
Nia akresenta, formasaun ne’e bele ba koleta fali sobrevivente sira ne’ebé mak kauza husi funu durante tinan 24 nia laran.
Formasaun jornalismo ba paz ne’e sei hala’o durante loron 10 iha salaun CNC, no loron 23-27 Maiu 2022 sei tun ba terenu hodi halo dokumentasaun, liu husi intrevista ba sobrevivente sira iha munisípiu Likisá no postu administrativu ne’ebé la hanesan, estudante 25 fahe ba ekipa lima hodi bele halo entrevista no indentifika Sobrevivente sira”, dehan nia.
Entretantu tuir nia, fasilitadór sira ne’ebé fo formasaun ba jornalismu ba paz ne’e husi AJTL nian nain 5 hahu formasaun durante loron 9 iha salaun CNC too halo dokumentasaun iha terenu iha Munisípiu Likisá durante loron 5.
Atividade ne’e realiza Kooperasaun ho alemaña GIZ Kooperasaun ho Franca, orsamentu ba formasaun jornalismu ba paz ne’e hamutuk rihun 19 resin.
Partisipante Universidade Nasionál Timor-Lorosa’e, Regiana da Conceição Xavier sente orgullu ho oportunidade ne’ebé nu’udar programa CNC nian ba formasaun jornalismu ba paz, liu husi formasaun refere bele aumenta koñesimentu.
Orgullu tebes ba oportunidade ida ne’e programa CNC nian formasaun jornalismu ba paz, liu husi formasaun ida ne’e bele aumenta ha’u nia koñesimentu konaba Jornalismo ba Paz no oinsa tun ba terenu hodi bele foti informasaun ba sobrevivente sira iha munisípiu Likisá”, hatete estudante UNTL Regiana.
Jornalita : Rita Moniz
Editór : Agapito de Deus
