Lafaek News–Klibur Instituisaun Ensinu Superior Privadu (KIESP), Klibur Instituisaun Ensinu Superior Privadu(KIESP), hato’o disponibilidade ba prezidente eleitu atu servisu hamutuk hodi haree kestaun barak iha setór edukasaun hodi hasa’e kualidade iha Timor.
Asuntu ne’e hato’o husi reprezentante KIESP, Reitor Institutu OF Bussines (IOB), Pedro Ximenes ba jornalista hafoin remata sorumutu ho Prezidente eleitu José Ramos Horta iha Farol Dili, sabadu 07/05/2022.
Ami barak mak ko’alia konaba edukasaun fo ba ensinu superior hanesan ami hato’o ona, tan nee ami kongratula ba Ministeriu Ensinu Superior Siensia Kultura nia apoiu tomak maibe Ita mos presiza rekoñese katak, area edukasaun sei iha frakeza barak ne’ebe atu ita nia edukasaun diak liu tenke servisu hamutuk,” Pedro Ximenes informa.
KIEPS kompromete ho komitmentu atu servisu hamutuk ho Prezidente Eleitu no governu hodi hateke ba oin entaun mai hamutuk hanesan asaun
ida hakat ba oin hodi kria ambiente nasaun ho di’ak.
Ami hamutuk Universidade 16 husi Klibur Instituisaun Ensinu Superior Privadu (KIESP), ohin mai iha nee, atu Hato’o hanoin balu ba prezidente eleitu hodi haree iha edukasaun enjeral, rekursu humanu iha Timor-Leste no mos haree problema sosiais iha rai laran,” Pedro esplika.
Nia esplika, Ohin prezidente rasik hato’o, se hakarak nasaun ne’e ba oin entaun tenke investe ba iha ema tanba ema mak kapital importante hanaran kapital humanu.
Prezidente Eleitu promete atu koalia ho governu hodi tau atensaun diak liu tanba iha edukasaun nee ita haree povu hotu entaun halo oinsa ita nia nasaun nee ba oin ho diak liu tan,” Pedro haktuir.
Nia esplika, sira mos la haluha hato’o kongratula ba Prezidente Eleitu José Ramos Horta deseju mós Sorte no servisu di’ak to’o mandatu remata iha tinan lima oin mai.
Entretantu KIESP kompostu husi universidade 16 mak hanesan, Instituisaun Superior Cristal (ISC), UNPAZ, UNDIL, UNITAL, ICS, DIT, IOB no mos Universidade sira seluk ne’ebé eziste ona iha rai laran.
Jornalista : Orlando Magno
Editor : Agapito de Deus
