Lafaek News–Polísia Nasional Timor-Leste (PNTL), husu ba públiku atu akompañia nafatin kazu ema deskoñeaidu uza armaa ameasa sidadaun iha Likisa tanba agora iha ona proseau investigasaun no rekolla dadus.
Kazu ne’e akontese iha loron 28/04/2022, iha aldeia Tereleu suku Ulmera Postu Administrativu Bazartete munisipiu Likisá maibé agora iha ona prosesu nia laran.https://lafaeknews.tl/vitima-kazu-asaltu-deklara-la-rai-klita-iha-uma/
Kazu ida ne’e kontinua submete ba servisu investigasaun no mós sei rekolla tan informasaun sira seluk tanba ne’e husu ita hotu atu akompaña kazu ida nee hodi nunee finalidade husi prosesu bele transparansia ba publiku,” dehan Porta Vos PNTL Superintendente Xefe Armando Monteiro ba jornalista liu husi press komferensia iha Kuartel Jerál PNTL kaikoli Dili, 04/05/2022.
Porta voz PNTL Armando Esplika, Komandu PNTL munisipiu Likisá liu husi Servisu Investigasaun Kriminak (SIK), halo investigasaun no foti ona informasaun husi vitima nain haat ba kazu ida ne’e.
Informasaun importante ne’ebé PNTL atualiza atu media fo sai informasaun loos no mo-mos nune’e evita komunidade sira pániku ka trauma tanba prosesu investigasaun la’o dadauk hela.
Ita hotu akompaña investigasaun ida nee rezultadu automatikamente komandu munisipiu Likisá sei relata mai komandu jeral,” Armando relata
Nia afirma, sosiedade ninia hanoin nee kritiku neebe konstrutivu ba PNTL atu intensiva sistema kontrolu ba arma instituisaun PNTL ninian, armas neebe iha nasaun laran laos PNTL mesak mak iha armas maibe instituisaun F-FDTL mos uza armas.
Portavos argumenta, Instituisaun PNTL iha regras no prosedura oinsa bele lori uza no rai armas, iha normal prosedimentu rasik bainhira utiliza armas ida ne’e iha lei nú 43/2011 neebe fo kompetensia ba autoridade seguransa estadu liu-liu PNTL hodi lori no uza armas.
Bainhira lori no uza armas tenke kumpre lei nú 43/2011, uza tenke ho profisional, nesesidade, legalidade tuir lei, akontabilidade no responsabilidade ba armas instituisaun ne’ebé nia lori,” Nai deklara.
Jornalista : Orlando Magno
Editor : Agapito de Deus
