Lafaek News–Estudante Universidade da Paz ( UNPAZ) lamenta mekanizmu ne’ebé hala’o husi Ministériu Ensinu Superior Siénsia Kultura hala’o inspesaun ba UNPAZ sem koñesimentu husi reitor universidade.
Fernando Dias Mau nu’udar porta voz konferénsia kuarta (04/05/22) hateten Universidade da Paz (UNPAZ) liu husi estrutura tomak halo konferénsia imprensa relasiona vizita ne’ebé hala’o husi funsionáriu MESSK nian ba iha UNPAZ iha semana liubá.
Avaliasaun ne’e hala’o peritus nasional no internasional ho kondisaun sira ne’e hotu maka UNPAZ hato’o ninia lamentasaun no protestu ba ekipa Ministériu Ensinu Superior Siénsia Kultura, ne’ebé mai halo inspesaun ba UNPAZ, maibé laiha karta koñesimentu formal ba iha reitor UNPAZ, vizita ida ne’e momentu ami nia reitor UNPAZ halo hela viajen ba rai liur hodi halo koperasaun universidade ho rai seluk nian, tan ne’e hatete ekipa mai uma na’in laiha, ekipa halo nia servisu sem koñesimentu husi uma na’in nian,’’ katak Fernando Dias Mau.
Nia dehan, razaun husi konferénsia imprensa ne’e ho razaun reitor UNPAZ foin fila husi vizita iha rai liur, maibé inspesaun husi MESSK laiha koñesimentu husi hirárkia universidade ne’e, tanba UNPAZ universidade privadu.
Fernando Dias Mau akresenta, liga asuntu ne’e mak relasaun servisu nian iha obrigasaun hasoru governu liu husi MESSK ho UNPAZ la’os subordinada ka membru estrutura husi ministeriu nian relasaun servisu entre instituisaun UNPAZ no ministeriu durante ne’e la ‘o ona, kada tinan UNPAZ sempre submete anual ba MESSK lori esplika kondisaun tomak universidade nian atu ministériu hatene progresu universidade ne’e nian.
Porta voz ne’e katak, hanesan instituisaun governu nian, kada tinan mos avalia akreditasaun ba iha universidade sira inklui UNPAZ rejultadu husi avaliasaun hirak ne’e bele hatudu kualidade no kondisaun lolos husi universidade sira, maibé inspesaun MESSK nian ne’e laiha Karta formal mai iha universidade da paz (UNPAZ) ba iha magnifiku reitor tanba ne’e mak UNPAZ la konsidera ekipa ne’e hanesan formal husi MESSK.
Entretantu, too notisia ne’e hatun lafaek news seidauk halo konfirmasaun ho Ministériu Ensinu Superior Siénsia Kultura (MESK) kona-ba lamentasaun UNPAZ ba iha ekipa MESSK katak halo inspesaun la fo karta koñesimentu molok halo inspesanun.
Estajiadu : Osias Eco
Editor : Agapito de Deus
