Lafaek News–Kuarta 04/05/2022 Diresaun Nasionál Meteorologia no geofisika (DNMG) informa ba populasaun Timor-Leste posibilidade atu mosu udan ho intensidade husi fraku too forte entere loron 5/05/2022 too loron 10/05/22.
tuir komunikadu imprensa Informasaun ne’e jornalista Lafaek News asesu iha pájina Facebook DNMG nian kuarta 04/05/2022, impaktu mota tun, rai halai, bee sae, ai tohar, eletrisidade sei mate, tuir kondisaun anin no laloran tasi sei as.
Diresaun Nasiónal Meterológia Jeofísika (DNMG alerta ba populasaun Timor laran prinsipalmente ba populasaun hirak ne’ebé hela iha área remotas, reijiaun sentral no kosta sul nian, iha posibilidade atu mosu udan ho intensidade husi fraku too forte loron 05/05/2022 too loron 10/05/022.
Durante semana ne’e anin kontinua huu ho velocidade normal maka’as iha territóriu nasionál, anin refere bele influensia ba iha laloran tasi aas, prinsipalmente iha reijiaun kosterias ( kosta, norte ho sul,) inklui RAEOA no Atauru,” esplika husi komunikadu imprensa DNMG.
Nune’e DNMG informa, bainhra udan no anin boot husu ba populasaun hadook an nafatin husi fatin risku sira, buka hela iha fatin ne’ebe seguru, Kazu emerjénsia ruma ou karik presiza halo evakuasaun, mantein kalma nafatin, evita pániku no halo tuir orientassaun autoridade lokal ou pesoál protesaun sivil ne’ebé besik no eventual ne’e akontese tanba hetan influénsia husi sistema meterológiku ne’ebé estabelese La-lina LOW pressure, MJO no diferensa presaun ne’ebé mak atualmente observa, iha ne’ebé intensifika no inpulsiona Brisa màritima (fator lokal)”, informa DNMG liuhusi pájina Facebook.
Tuir DNMG katak, husu populasaun iha territoriu akompania nafatin atualizasaun informasaun husi DNMG Timor-Leste avizu vàlido too loron 11/05/2022, tuku 00:00 otl.
DNMG TL
