Lafaek News- Dosente Departamentu Komunikasaun Sosial, Universidade Nasionál Timor-Lorosa’e (UNTL), Dulce Martins da Silva hatete, jornalista Timor Leste presiza formasaun másimu iha era dijitalizasaun hodi hatene klean kona-ba kode étika no konese didi’ak hakerek iha online.
Ita Presiza iha formasaun konaba digitalizasaun nian ba ita nia jornalista sira hotu, labele ses husi basiku ne’ebé mak jornalista iha, hanesan prinsipiu Jornalismo ho kode étika, maibé ita mos tenki haree ita nia konvensaun sira ne’ebé ita aplika, direitus humanus haree hotu ba konteudu ida ne’e”, dehan Dosente Departmentu Komunikasaun Sosial Dulce Martins da Silva ba LafaekNews iha ámbitu komemorasaun loron liberdade imprensa iha salaun Delta Nova, tersa (03/05/2022).
Dosente Komunikasaun Sosiál ne’e reafirma tan, aleinde jornalista sira iha ona formasaun bázika, maibé presiza haree mos ba iha kontéudu dijitalizasaun ninia tékniku oinsá hakerek online, formatu video online ho fotografia ba online.
La’os ho dijitalizasaun ne’ebé mak iha jornalista no média nain haluha kode étika no prinsipiu jornalista, no konvensaun sira ne’ebé mak iha, presiza haree hodi kordena”, esplika nia.
Tuir nia, impaku dijitalizasaun ba jornalista ohin loron hasoru dezafiu oi-oin, hansesan disinformasaun misakreditasaun ba jornalizmu, buat ne’ebé mak média publika ema dehan la loos.
Ida ne’e mak governu tenki haree oinsá bele investe kapasitasaun humana atu sira prontu hatudu ba digitalizasaun ida ne’e, fo subsidiu ekipamentus teknologia sira ba média atu adapta no indentifika no seguransa ba jornalista sira ne’ebé mak kobre buat ne’ebé mak sèriu, hanesan investigasaun ne’e perigu ituan presiza fo protesaunm,’ Dulce rekomenda.
Iha okaziaun ne’e mos Dosente Departamentu Komunikasaun Sosial sai mos oradora ba semináriu ho tema jornalizmu iha ameasa dijitalizasaun iha àmbitu komemora loron liberdade imprensa iha salaun Delta Nova.
Jornalista : Rita Moniz/Eco Fernandes
Editór : Agapito de Deus
