Lafaek News–Prezidente Repúblika Francisco Guterres Lú Olo, hatete selebrasaun Loron Idul Fitri familia haklean nafatin domin no respeitu ba malu importante tebes atu valoriza, Timoroan tanen prinsípiu valór hametin povu ida moris uma lisan boot ida de’it.
Kompatriota musulmanu sira selebrasaun ida ne’e, família uma laran haklean nafatin sira nia domin no respeitu ba malu, tanba ne’e, importante tebes ba Timor-Leste valoriza loron Idul Fitri”, deklara Presidente Repúblika Francisco Guterres Lú Olo iha nia mensájen ba komunidade musulmana iha selebrasaun loron Idul Fitri Meskita kampung Alor, segunda (02/05/2022).
Lú Olo dehahn, maluk musulmanu sira selebra loron ohin ho laran moos tanba fase ona sala, perdoa malu ona, halo ona rekonsiliasaun nu’udar família no nu’udar komunidade, aproveita loron espesiál ohin husu sidadã no sidadaun ida-idak, fó liman ba malu, nu’udar timoroan, tanen hamutuk prinsípiu no valór hametin nu’udar Povu ida de’it, moris iha uma lisan boot ida de’it maka Timor-Leste.
Ha’u aproveita loron espesiál ohin atu husu dala ida tan ba sidadã no sidadaun ida-idak, atu fó liman ba malu, nu’udar timoroan, no tanen hamutuk prinsípiu no valór sira ne’ebé hametin ita nu’udar Povu ida de’it, moris iha uma lisan boot ida de’it, Timor-Leste”.
Iha okaziaun ne’e PR Lú Olo deklara, loron 19 fulan maiu PR ramata mandatu nu’udar Prezidente Repúblika maibé sei la hakotu misaun nu’udar servidór Nasaun no Povu Timor-Leste, hamutuk nafatin ho kompatriota ida-idak, tuir kbiit no matenek ida-idak, fó liman ba malu hodi hametin estadu Direitu Demokrátiku, kuda pás no estabilidade, hako’ak boot musulmana iha Timor-Leste no iha Indonézia no rai seluk.
Iha loron 19 maiu tuir mai, ha’ u sei ramata ha’u nia mandatu nu’udar Prezidente Repúblika maibé sei la hakotu ha’u nia misaun nu’udar servidór Nasaun no Povu Timor-Leste. Hamutuk nafatin ho kompatriota ida-idak, tuir kbiit no matenek ida-idak nian, ita hotu sei fó liman ba malu hodi hametin ita-nia Estadu Direitu Demokrátiku, kuda pás no estabilidade, dezenvove ita-nia rai doben no hasa’e moris-di’ak ba Povu tomak, hako’ak boot espesiál ba komunidade musulmana iha Timor-Leste no mós iha Indonézia no rai sira seluk,’’ Lú Olo hakotu.
Iha sorin seluk, komunidade musulmanu, Abdula Inacio Soares reafirma ba loron haksolok ohin nian jenjun signifika katak remaja nian.
Felismente iha realidade to’o ohin dia 2 ami simu loron haksolok loron vitoria durante 30 dias ami hala’o mes nia sagradu jenjun ohin loron signifika katak felis ramaja,Abdula Inasio Soares, Ita sei hasoru Covid-19 ne’ebe ke momentu ne’eba ami la halo buat barak tanba ita kompri ordem husi estadu,’’Dehan Abdula Inasio Soares ba jornalista sira iha Masjid kampung Alor Dili segunda ne’e.
Abdul hateten, relijiaun Musulmanu nia esperansa ba rai doben Timor nia estabilidade, relijiaun hotu iha Timor tenke reja atu hamtein estabilidade nasional atu povu hotu bele moris iha ekonomia saudavel no paz.
Iha loron ida ne’e espera katak ita bele importante liu husi ita nia dutrina preparasaun oinsa estabelese nafatin ita nia paz dame no ita nia mentade, tanba iha ami nia relijiun ou regras islam ninian,iha relasaun rua ne’ebe sai prinsipal ho orizontal no mos oinsa relasaun entre ita ho ema, tinan ida ne’e espera ohin ne’e ami barak tebes kompara ho tinan kotuk liu ba tanba ita haree kestion ne’ebe ke hakmatek,’’ katak komunidade musulmanu ne’e.
Jornalista : Rita Moniz/Osesias Eco
Editór : Agapito de Deus
