LafaekNews–Xefe Misaun Observadór Eleitorál (MOE) Uniaun Europeia (UE), Domenéc Ruiz Devesa afirma durante eleisaun prezidénsial periodu 2022-2027 husi ronde primeira ho ronde daruak la’o trankuilidade ho dalan demokrasia iha Timor Leste.
Preparativu sira ba votasaun organizadu tebes husi parte autoridade eleitorál sira no loron eleisaun la’o ho kalma no orden, fiskál sira husi kandidatu ida-idak no observadór nasional sira halo prosesu ne’e sai transparente UE nia observadór sira avalia prosesu votasaun no kontajen nu’údar pozitivu,” deklara Xefe Observadór MOE UE Domènec Ruiz Ruiz Devesa hafoin realiza komferénsia imprensa iha hotel Timor Colmera, kuarta (20/04/2022).
Xefe MOE-UE ne’e deklara, tuir nia haree prosesu demokrasia iha eleisaun sira kompetetivu no kampaña hala’o ho maneira pasífiku tebes, maski iha atake pesoál iha rede sosial iha loron ikus, maibé ema hotu hatudu sira nia espíritu sivilzadu ba malu.
Iha loron eleisaun, observador nain 40 relata liuhusi 160 estasaun votu iha munisipiu 12 no Rejiaun Administrativa espesial Oe-cusse Ambeno”, dehna xefe UE ne’e.
Tuir observador MOE Ruiz Devesa katak, prelimiar Misaun Observasaun eleitoral UE entrega antes prosesu eleitoral tomak sei iha etapa importante sira inklui rezultadu final, desizaun ba reklamasaun karik iha, MoE UE mantein nafatin iha país hodi observa prosesu eleitoral ne’ebe sei falta.
sorin seluk, Prezidente Comissão Nacional das Eleições, José Agustinho da Costa Belo afirma, rekomendasaun balun, presija hadia entermus de servizu, maibé observador observa buat ne’ebé mak halo ne’e tuir estandar, komentáriu ne’e rasional halo duni hanesan ne’e, nu’udar Timor oan kontenti, la’os de’it orgaun Elleitoral maibé iiha responsabilidade senti ida ne’e hanesan apresiasaun di’ak ba Timor oan.
Sira nia rekomendasaun balun, ita presiza hadia entermus de servizu maibe sira observa buat ne’ebé mak ita halo ne’e tuir standar, komentáriu ne’e rasional I ita halo duni hanesan ne’e, ita nu’udar Timor oan kontenti, laos de’it orgaun Elleitoral sira maibé ita hotu iha responsabilidade senti ida ne’e hanesan apresiaasaun di’ak ba Timor oan”, tenik Presidente CNE José Belo hafoin partisipa komferénsia imprensa iha Hotel Timor Colmera.
iha Komunikadu imprensa ne’e partisipa husi Presidente Comissão Nacional de Eleições( CNE) José Agustinho da Costa Belo, Diretor STAE Acilino Manuel Branco no membru husi Uniaun Europeia.
Jornalista : Rita Moniz
Editór : Agapito de Deus
