Lafaek News–Oitavu governu liu husi Ministériu Administrasaun Estatal (MAE), Domingu (17/04/22), hahú transporta eleitores sira ba ida-idak nia munisípiu hodi tuir votasaun iha loron 19 fulan Abril tinan ne’e.
Votante Uatulari munisípiu Vikeke, Paulo Almeida afirma, nia parte sente kontente tanba governu bele fasilita kareta hodi transporta populasaun emigrante iha Dili fila ba kada munisípiu hodi ezerse sira nia direitu sidadaun. https://lafaeknews.tl/governu-prontu-prepara-ba-eleitores-ba-vota-iha-muisipiu/
Ha’u mos mai atu ba munisípiu Vikeke ho kareta ne’ebe governu fasilita, Ha’u Dili iha semana kotu mai halo surat veteranus nian, atu fila ho ha’u nia maluk sira, maibé sira fila uluk ona, tanba ne’e ha’u nia oan lori ha’u mai atu sa’e hamutuk kareta ne’ebé governu fasilita, dehan Paulo de Almeida ba lafaek news bainhira hein hela kareta ne’ebe governu fasilita tula Votantes ba munisípiu iha CCD merkadu lama, domingo (17/04/22).
Pasajeru sira aproveita sae kareta estadu ne’ebé CCI-TL ho governu fasilita ba munisípiu kompostu inan-aman, labarik inklui ferik-katuas ho joven balun, governu tulun eleitores sira ba munisípiu 12 loron rua de’it iha domingu ho segunda.
Observasaun lafaek news iha terenu nota, governu hahú transporta ona populasaun emigrante iha Dili ba munisípiu Lautém, Vikeke no Kovalima, fasilita kareta hamutuk 104, hetan apoiu mos husi Kámara Komérsiu no Indústria Timor Leste (CCI-TL), enkuantu jornalista media online ne’e tenta konfirma ho MAE, maibé governante ne’e laiha terenu, maske konsege Konfirma ona asesor MAE labele fó komentáriu ba media, maibé governu la fasilita eleitores sira ba RAEOA ho munisípiu Ataúro ho razaun ró laiha.
Jornalista : Acacio Pinto
Editor : Agapito de Deus
