Lafaek News–Kandidatu Prezidente Repúblika númeru 1 Premiadu, José Ramos Horta, promete bainhira simu mandatu Xefe Estadu sei ko’alia ho governu oinsá prioridade ba asuntu kualidade edukasaun no agrikultura.
Edukasaun tinan 5 mai ne’e sai prioridade númeru 1 inklui agrikultura tambá nia mak tane nasaun ida ne’e, Prezidente no Governu tenke kolabora bá ida ne’e,’’ Dehan Horta iha komísiu polítika, kampu Tasi-Tolu, 12/04/2022.
Maibé, bainhira atu atinji ida ne’e, Premiadu Nóbel bá Paz Ramos Horta, sublina, bainhira manan, sei hamosu XI governu mai husi maioria no iha lejítimidade.
Ne’e akontese, bainhira prizidente ne’ebé imi hili iha 19/04 mai ne’e, sei hili guvernu ida, ne’ebé lideradu hanesan Maun Bo’ot Kay Rala Xanana Gusmão, ne’e duni tenke hetan Guvernu maioria, lejítimu inklui IX tambá VIII la’ós guvernu konstituisionál,’’ Hatutam Nia.
Molok atu hamosu IX, tuir planu ne’ebé lafaek news assesu husi Ramos Horta katak, sei hahú ho diálogu ho forsa polítika sira ne’ebé durante ne’e’ ejíste iha Timor atu bele hetan solusaun forma governu foun ho lejitimidade parlamentu nasionál.
Ho afirmasaun ne’e, hatudu Sinál husi Horta ne’ebé sempre afirma iha fatin-fatin katak sei troka atuál VIII Guvernu bá IX tan-ba konsidera laiha lejitimidade no atuál prezidente repúblika ne’ebé hamosu violasaun konstituisaun hodi lori nasaun Timor tama iha krize ekonomia iha rai laran tun maka’as.
Maske nune’e, tuir observasaun lafaek news durante ne’e, Horta iha nia kampaña sira seidauk deklara kona-ba atu troka atuál primeiru ministru Taur Matan Ruak bainhira hamosu IX guvernu hodi buka lejitimidade governu no parlamentu nasionál.
Iha fatin hanesan, Prezidente Partidu CNRT, Kay Rala Xanana Gusmão, apela bá apoiante no militante sira ne’ebé apoia kandidatu JRH nian, atu hakmatek nafatin hodi simu rezultadu iha eleisaun ne’ebé sei akontese iha semana oin.
‘Ha’u husu ba imi tomak atu nafatin hakmatek, ses husi provokasaun sira, inklui iha loron votasaun to’o rezultadu votasaun nian’’, apela Xanana.
Partisipa iha eventu polítiku ne’e, mai husi militante no simpatizante partidu polítiku ne’ebé fó apoiu ba Horta, inklui movimentu sira ne’ebé servisu ba vitória JRH.
Observasaun ba kampaña nian, husi CNE, sosiedade sivíl inklui observadór nasiona ho internasionál no asegura seguransa ba kampania ne’e husi PNTL.
Jornalista : Agapito de Deus
Editor : Floriano Soares
