Lafaek News-(Baucau)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul ‘Falur Rate Laek’, husu komadante komponente terrestre foun Koronél José da Costa Trix, ba funsaun ne’ebé asume ona, kontinua obra komadante sesante husik hela iha komponente terrestre.
Lia hirak nee hatoo husi Xefe Estadu Maior Jeneral Falintil – F-FDTL Falur Domingos Raul ‘Falur Rate Laek’ ba Jornalista iha primeira Batalhaun Lanud Baucau Segunda 11/04/2022
Ha’u nia parabens dala ida tán ba komadante komponente terrestre imposadu koronél Trix no parabens ba militár tomak iha komponente terrestre tanba kontribuisaun diak,”dehan Falur Rate Laek
Enkuantu loron 11 fulan-abril tinan-2022 (ohin) tomada pose ba komadante F-FDTL komponente terestre iha primeiru batallaun Baukau, no aban sei kontinua iha komponente Naval no Aero iha Dili.
Komandu F-FDTL fó ona konfiansa ba ita boot atu lidera komandu komponente ida ne’e ho diak no profesionál hanesan ita boot kompromete ona,”dehan Falur
Tanba ne’e, komandu F-FDTL agradese ba komadante sesante buat hotu ne’ebé hala’o ona durante mandatu hanesan kontribuisaun ida ba instituisaun F-FDTL partikularmente iha komponente terrestre.
Iha fatin hanesan, Komandante sesante komponente terrestre, Renilde Cortereal, hatete, fiar husi Instituisaun F-FDTL lidera komponente terrestre hanesan susesu ida sempre avansa, laiha problema, maibé hasoru dezafiu mak iha situsaun covid-19.
Komadante foun laos ema foun, mais orijen kaer komadante kompaña forsa ai-laran kedas nia iha esperensia nia mai hatutan tán nia esperensia kontribui ba komponente terrestre,”nia argumenta
Nune’e mós, Komadante komponente terrestre, Koronél José da Costa Trix, hatete, tuir posibilidade no kondisaun ne’ebé iha, sei halo tuir ordem husi estrutra komandu nian no lei ne’ebé vigora ona iha Timor-Leste hodi kombate iregularidade ne’ebé sei mosu atu kaer metik direitu siviku militár nian iha komponente terrestre.
Ha’u nundar komadante, hanesan mós ba ofisiais ita sei kaer metin pontus importante, luta ba valór ne’ebé prezisa, hatutan habelar, maske neneik, maibé bebeik atu dezenvolve komponente terrestre sai forsa ida profesionál,”nia hakotu,’
Jornalista : Ana Romana
Editor : Agapito de Deus
