Lafaek News--Instituisaun Edukativa Cristal-Fundasaun Cristal (IEC-FC), halo viasakra ba dala ikus iha Kristu-rei, hodi hanoin hikas Jesus Kristu nia terus durante moris iha mundu hodi selu ema hotu nia salan.
Antes ne’e Cristal halo ona retiru komfesaun no misa ohin loron kontinua ho atividade viasakra daikus iha kristu rei atu relembra ita nia nai jesus kristu nia terus iha ninia peregrinasaun moris iha mundu,” dehan Vise Reitor ISC Junior ba jornalista iha Kriatu Rei Dili, sesta 08/04/2022.
Vise Reitor Institutu Superior Cristal (ISC), Jacinto Oliveira Junior konsidera atividade nee kostume IEC-FC nian tanba la’os foin halo iha tinan nee maibe kada tinan sira sempre halo viasakra iha Kristu -Rei.
Viasakra ne’ebé ohin halo, ida ne’e hanesan ami nia kostume ne’ebé ami tau hanesan program ida iha ami nia eskola hodi tau iha kalendaderiu atividade ninia, oinsa relembra jesus nia sakrefisiu ba ema moris maksalak sira,” Junior esplika.
Partisipante ne’ebé partisipa iha viasakra mak, Vise Reitor ISC Dr. Jacinto Oliveira Junior, Dosentes ISC, Professores no mos husi estudante Ensinu Baziku 2° & 3° siklu, estudante Ensinu Sekundariu Jeral privadu Cristal inklui estudante nivel institutu.
Observasaun Jornalista Lafaek News iha Terenu nota katak, Sarani barak mak halo viasakra iha Kristu Rei, balun husi instituisaun estadu no balun husi instituisaun privadu inklui saran baibain sira.
Jornalista : Orlando Magno
Editor : Agapito de Deus
