Lafaek News-(Maubise)-Kondisaun Infraestrutura merkadu Maubisse munisípiu Ainaru laiha kondisaun favorável ba negosiante kiik sira hodi fan produtu lokal iha merkadu, maske Maubise poténsial iha hortikultura, negosiante sira tenke hadau espasu luron protokolu hodi tau folin fan.
Postu administrativu Maubisse iha duni merkadu idaa ho filera badak terminal ne’ebé sik kedan estrada diresaun munisípiu Manufahi, Ainaro no Suai, negosiante sira uza espasu uituan husi estrada ninin hodi fan sira nia produtu lokál.
Negosiante Maria ne’ebé loro-loron fan modo iha estrada ninin sentre triste tanba kria engarafamentu, dala ruma muda ba terminal laran, maibé espasu laiha tanba kareta mos movimentu inklui motorizadas para fatin, maibé tanba nesesidade obriga maske loron manas no udan, tu’ur iha dalan ninin faan modo hodi sustenta nesesidade loro-loron.
Maria haktuir, dala ruma modo ne’eb nakfilak ba namlaek hotu, tanba loron manas habai, laiha mahan atu salva modo kontinua fresku, tanba modo ne’ebenia fan hahú husi tuku 6 dader too fali loraik tuku 6, dala ruma ema la sosa.
Husi Hohorai mak mai faan modo iha Maubise, maibé modo la folin ohin mai tuku neen dader faan too loraik ne’e ema foin sosa de’it 2.00 dolar, ha’u triste los tanba modo ema la sosa too namlaik, pasiénsia lori fali ba uma so’e deit,”dehan Maria ba Jornalista lafaek news iha merkadu Maubise foin lalais ne’e.
Negosiante ne’e haktuir, relasiona kondisaun merkadu Maubisse ne’ebé laiha espasu, negosiante balun deside fan de’it loron bazar nian hanesan loron kinta ho domingu.
Ha’u fan la’os loro-loron maibé ha’u mai fan modo iha loron domingo no loron kinta, ema sosa osan ha’u sosa fali ba mina, masin midar, fos lori ba uma,” dehan Nia
Iha sorin seluk, Juleta Mendonca hanesan mos negosiante iha merkadu Maubise hateten, ferik Maria Mendonca fan dader too de’it agora seidauk han buat ida nia mama de’it malus too agora.
Avo mai fan iha loron kinta no loron domingo de’it avo toos iha dala ruma ema ba sosa iha to’os de’it, maibé iha to’os mak ema la sosa avo tenke lori mai merkadu, ohin dader kedas mai fan maibé too agora loraik ona nia seidauk han buat nia tu’ur mama malus de’it, tanba ladún sosa nia modo,” dehan Juleta
Tuir observasaun Jornalista lafaek news hetan iha terenu katak maske loron manas no udan avo Maria tahan de’it utiliza guarda chuva hodi tuur iha udan ho loron manas nia laran.
Jornalista :Domingas Viana
Editor : Agapito de Deus
