Lafaek News–Juventude hanesan alierse futuru nasaun Timor Leste, atu sai lideransa ne’ebé di’ak ba aban-bainrua labele lakon esperansa atu estuda mak’as hodi kontribui ba prosesu dezenvolvimentu nasionál.
Dosente UNPAZ, João Bosco Ribeiro Borges hatoo asuntu ne’e hafoin sai orador iha seminariu ne’ebé realiza husi Xanana Reading Room Lesidere, kuarta (05/04/22), hodi husu juventude li-liu estudante sira labele lakon esperansa ba mehi, maske enfrenta obstákulu maibé labele haree ida ne’e hanesan dezafiu boot ida hodi hamate ema ida-idak nia espiritu esperansa.
Labele lakon esperansa ba ita nia mehi klaru ita sei hasoru obstákulu, maibé labele haree ida ne’e hanesan dezafiu boot no obstákulu boot ida, tenki haree buat ne’e hanesan materia ou lisaun ida mai ita hodi bele tetu,’’ João ba jornalista iha iha Sala leitura Xanana Gusmão Reading Room.
João Bosco Ribeira Borges hanesan mos dosente iha Universidade da Paz (UNPAZ), hatoo asuntu ne’e hafoin sai oradór ba semináriu ho tema “Papel juventude i asaun kreativu no inovativu ho karakterismu entrepreinador” iha Sala leitura Xanana Gusmão Reading roo, situasaun ne’e la’o ba oin sei hasoru buat barak, husu ba estudante no juventude sira labele optimista no labele pesimista ba situasaun sira hanesan ne’e, la’o de’it, la’o mehi planu labele tur de’it, sala hadia.
Iha fatin hanesan partisipante estudante Universidade Nasionál Timor-Lorosa’e (UNTL) Juvenida da Costa Henrique, hakturi hanesan joven ida orgullu tebes partisipa iha semináriu ne’e, joven foin sa’e la fasil ema atu sai kretivu no inovativu, tanba iha inovativu, maibé laiha kreativu foun, buat hotu ne’ebé halo la la’o ba oin, husi semináriu ida ne’e bele aumenta hanoin no kapasidade hodi bele la’o ba oin.
joven foin sa’e sira la fasil ema atu sai kreativu no inovativu, tanba ita iha inovativu foun más laiha kreativu foun, buat hotu ne’ebé ita halo la la’o ba oin”, deklara estudante Juvenida.
Semináriu ne’e realiza husi Sala leitura Xanana Gusmão Readingroom (SLXG) hamutuk ho Youth Community Care (YCC), partisipantes maioria husi estudante Universidade Nasionál Timor-Lorosa’e ho UNPAZ, semináriu ne’e sei realiza kada semana kada fulan dalan.
Jornalista : Rita Moniz
Editór : Agapito de Deus
