Lafaek News-(Lautém)-Servisu ne’ebé ema ladún tau matan mak hanesan guarda ka seguransa tanba saláriu fulan ida kiik liu ho montante $.140, jere la too, iha elementu lubuk kompostu husi nesesidade uma laran, neseidade família nian inklui oan sira nia eskola.
Francisco dos Santos, uluk iha tempu UNTAET nian servisu hanesan traduór Inglesh, maibé agora fila-fali ba sekuriti ho saláriu $.140, maibé nia manajementu ka jestaun furak, osan fulan ne’ebé nia simu husi eskola CAFE Lospalos bele jere responde nesesidade uma laran no konsege selu nia oan husi primaria too Universidade Nasionál Timor Loro sa’e (UNTL) fakuldade saúde departamentu medisina jeral.
Francisco ho nian espoza iha oan nain hitu moris simples kiak, maibé ho matenek ne’ebé nia iha uza kakutak hodi fahe osan $.140 ba oan nain hitu ne’ebé ho nivel estudu la hanesan balun iha primaria no balun sekundáriu no ida seluk komesa too ona universidade nasionál ho osan 140.
Ha’u bele kiak ba osan, kiak ba material maibé ha’u nia oan nain hitu labele kiak ba edukasaun,’’ katak Francisco ba jornalista sira hafoin hasoru malu iha aldeia Lospala suku Fuiluro Lospalos, kuarta (30/03/22).
bainhira jornalista sira hateke ba uma Francisco nian uma simples ho medida 6×7 ho kuartu 2 de’it, hatudu mós katak uma ho kondisaun taka kalen meiu parede, la to ba Francisco ho nia oan sira hamaha an, maibé ema simples ne’e hametin nia esperitu ho nia esposa hodi dudu oan sira ba eskola.
Francisco ho nia kaben Florinda da Costa nia esperansa maka labarik sira nia edukasaun tenke di’ak, Fransico dos Santos hanesan eis interpreter UNTAET nian ne’ebé agora hanesan seguransa ka gurada eskola CAFE hateten moris difisil tebes, maibé hanoin oan sira tenke eskola.
Ha’u nia kaben fan gasolina iha estrada no hakerek SDSB atu nune’e bele sustenta ha’u nia oan sira ba eskola, maske ha’u nia saláriu no moris ha’u nian kiak tebes más ha’u buka meius hotu hodi lori ha’u nia oan sira ba susesu, ha’u nia oan feto boot agora tur ona iha banku universidade iha UNTL foin lalais remata ho valor di’ak tebes 50 no nia liu iha medisina jerál ba ami rua nia ama kontente tebes tanba ami nia oan bele liu iha fatin importante maske ami nia moris kiak, hatene ona katak ita Timor oan iha kultura maibé la taka dalan ba ami atu suporta oan sira ba eskola,’’ Francisco sublina.
Oan husi Francisco dos Santos ho Florinda dos Santos, agora tur ona iha UNTL ho naran kompletu Gitri Flora dos Santos tinan 18, kbiit ladún iha maske hetan mós bolsa mãe iha 2019- 2021, maibé la sufisiente nune’e buka halo negósiu ki’ik hodi nafatin sustenta oan sira nia eksola, dala ruma debe tanba moris mak obriga.
Francisco ho lian halerik husu nafatin ba governu atu kontrola sasán folin iha merkadu tanba sira ne’ebé kbiit natoon labele sosa sasan ne’ebé folin as, ema sira ne’ebé laiha saláriu fulan-fulansusar tebes atu moris, husu atu governu kontrola makas nune’e fo biban ba povu kiik bele moris hodi dudu oan sira ba eskola.
Jornalista : CE. Lautém
Editor : Agapito de Deus
