FENOMENA “LAKON MOLOK HAKAT BA FUNU”: PRONTU SIMU DERROTA NO RENDISAUN?
Housi: Domingos Maia.
Observasaun:
1. Prediz tiha ona katak, se avansa ba Ronde da-II, Kand.Pres JRH sei hakat ba ho naha-kman liu tanesan ho Kand.Pres Lú nian.Tan Kand. Pres JRH mantein hela nia pozisaun dal-uluk.
2. Ho mudansa nebé pozitivu aderénsia foun housi individu, organizasaun, movimentu no afiliasaun sira housi membru partidu sira seluk, inklui P-Fretilin tuir deklarasaun housi Kand. Pres JRH horisehik, dia 24/03/2022, fiar katak ida ne’e la’ós naran propaganda kampañe de’it karik?
3. Lee tan housi médsos krítika no sujestaun sira mai duni housi membru no elementu prinsipál balun P-Fretilin; hafoin no ho “modo aproximação humilhada” housi lider-ulun Fretilin nian, hamonu-rabat rai tiha ona dignidade no autoridade partidu nian; ou hatudu momoos katak lakon tiha konfiansa housi povu maioria Timor-Leste.
4. Atu dehan de’it katak:
Se Kand. Pres Lú hakarak haktuir Lei (…) no deside hakat nafatin ba oin, II volta, mak sei : …
a) Atrai malisan naha-todan psikolójika ba an no ba apoiante sira balun.
b) Hamosu pergunta barak, karik ida mak: “See mak hamriik iha nia kotuk hodi dudu-monu tiha herói no kombatente Libertasaun Nasionál LO, hodi sai atan no lakon hana’i housi povu TL?”
5. Prontu ka lae, Maun Lú simu derrota no rendisaun hodi manan …?
Povu TL sei louva no fó nafatin ónra- boot ba Figura Nasionál Lú, se ho hakraik-an, simu de’it ona povu maioria nia lian hanesan Maromak nia lian nebé haktuir duni ona nia lia-fuan sira housi futar ibun rasik molok no durante kampañe.
6. Housi Maun Lú nia an, Povu no Nasaun TL deve tiha ona nia favór-boot luta no sakrifísiu tomak. Tan ne’e, povu TL sei la housik atu hamonu-leet de’it nia ónra dignidade.
“Não é covardia, se perder com dignidade para ganhar maior louvor e engrandecimento deste povu que tanto lhe ama”.
