Lafaek News–Eleitores sira husi sentru votasaun domisiliáriu INAP Komoro, lansa asaun haklalak iha sentru votasaun tanba la ezerse sira nia direitu votus hanesan sidadaun Timor.
Loron sábadu (19/03/2022), loron istóriku ni importante tebes ba sidadaun hotu atu fo sira nia votus hodi hili sira Prezidente Repúblika tuir lei nian nia dalan, maibé Eleitores husi munisípiu lima kompostu Manufahi, Kovalima, Bobonaro, Ainaro inklui RAEOA, protesta iha sentru votasaun paralelu Komoro, tanba la tuir votasaun.
Problema ida ohin ne’e relasiona ho eleisaun ba kandidatu presidente ba periodu 2022-2027 nian, ida ne’e sentru votasaun paralelu inklui mos elitores sira husi Oe-kusi, CNE ho STAE fo sai regras balun konaba regras administrativa katak tenke priense formaulario husi STAE, para bele tuir votasaun iha sentru paralelu, maibé to’o loron eleisaun, situasaun ne’e la akontese,” hateten eleitor Yohanes Nubalanan ba lafaek news iha sentru votasaun paralelu Komoro, Loron Sabado 19/03/2022.
Nia dehan tan, STAE, CNE no brigada sira prefere ba regras ne’ebe iha, entaun regras sira ne’e limita eleitores sira atu vota iha sentru votasaun paralelu.
Regras sira ne’e la obedese ona ba servisu administrativa, eleitores maioria ne’ebé kanseladu iha ona karta deklarasaun husi xefe suku ho STAE atu fasilita sira vota iha Dili, maibe eleitores ne’ebe iha sentru votasaun paralelu la tuir votasaun maioria sira haruka fila, maibé sem justifikasaun,” nia imforma.
Nune’e nia sujere, birokrásia ka normas ne’ebe STAE ho CNE produs ne’e labele limita ka impede eleitor sira atu ezerse direitu no presija halo transformasaun ba mentalidade lideransa katak lideransa ida ne’ebe kumpri liu ba lei, maibé la uza fuan atu rezolve problema.
Hatan ba peokupasaun ne’e presidente meza sentru votasaun paralelu (INAP) Komoro, Luis Mao Santos, esplika, eleitores sira ne’ebe la vota tanba la rejistu no balun naran iha lista laiha.
Sira ne’ebe la vota tanba baseia ba lista ne’ebe iha peimeiru sira la rejistu, segundu sira rejistu duni maibe mai atu vota naran lista laiha, nemak ami la fo autoriza sira la vota, la’os sira naran iha maka ami la fo la’e,”
observsaun lafaek news nota eleitores kuaze atus 5 resin la tuir votasaun iha sentru votasaun paralelu Komoro, eleitores hirak ne’e husi munisipiu lima, Ainaro, Covalima, Same, Bobonaro inklui RAEOA,
Jornalista : Pedro de Almeida
Editor : Agapito de Deus
