Lafaek News- Kandidatu Prezidente Repúblika númeru sorteiu 6, Francisco Guterres Lú Olo deklara iha kampaña loron ikus iha Tasi tolu, hateten povu laiha loro sa’e-loro monu, povu ida de’it hili Lu Olo dala ida tan hodi konkretiza mehi povu no garante paz no estabilidade ba rai doben Timor Leste.
Ha’u manan tiha ona importante loron 19 imi tau imi nia votu hodi bele ha’u ba tur iha Aitarak-laran dala ida tan, Lú Olo sei la fahe Timor-Leste ba Loron monu no loro sa’e, ita ema ida de’it no povu ida de’it”, hatete kandidatu númeru sorteiu 6 Francisco Guterres Lú Olo ihania diskursu polítika ba kampaña loron ikus iha Tasi-Tolu munisípiu Dili, kuarta 16/03/2022. https://lafaeknews.tl/lu-olo-prinsipiu-demokrasia-fo-biban-povu-halo-ezersisiu/
Lú Olo afirma, enkuantu re-eleitu ba Prezidente Repúblika períodu 2022-2027, sei garante Paz, estabilidade iha rai doben ida ne’e, sei servisu hamtuk ho orgaun soberania sira seluk, hodi hadia Dezenvolvimentu ba povu ida ne’e nia moris.
Iha kampaña ikus nian ne’e partisipa husi militantes no simpazitantes husi partidu FRETILIN nian rihun ba rihu hamutuk ho partidu Os Verde de Timor, PLP apoiantes sira, no observasaun direta husi STAE, CNE, PDHJinklui observador nasiónal no internasiónal sira, no hetan seguransa másimu husi PNTL Munisípiu Dili.
Jornalista : Rita Moniz
Editor : Agapito de Deus
