Lafaek News-Kandidatura prezidente Repúblika ho numēru sorteiu 9, Armanda Berta dos Santos, afirma bainhira hetam poder absluta husi povu promete halo diàlogu ho partidus polítikus hotu ne’ebé asenta iha parlamentu nasionál inklui instituisaun relevantes sira hodi solusiona krize polítika iha rai laran no harmoniza instituisaun ida-idak hodi servisu tuir lei inan haruka.
Eleitu ba prezidente republika ha’u sei halo diálogu ho instituisaunhotu hanesan Parlamentu Nasionál, governu atu nune’e instituisaun ida-idak hala’o ninia knaar tuir lei ne’ebe mak hatur ona iha konstituisaun,” dehan Armanda Berta dos Santos iha kampaña ikus iha kampun Alor, kuarta (16/03/22).
Kandidatura ho nùmeru sorteiu 9 Armanda Berta mos promete, sai xefe estadu iha knaar rasik atu promulga orsamentu jeral estadu (OJE) no husu governu hodi hadia povo Timor oan nia moris di’ak.
Karik eleitu ba prezidente repúblika mak ha’u sei hakru’uk no halo tuir konstituisaun RDTL hodi bele hametin estadu de direitu demokrátiku iha nasaun Timor Leste,”deklara Berta.
Kamapaña Ikus Ba Partidu,Khunto Naimori: Husu Deskulpa Ba Lider Sira
Entretantu, iha Kampaña ba dala iku ne’e, konselleru másimu KHUNTO, José dos Santos Naimori Bukar, husu deskulpa ba lider sira hotu ne’ebé durante kampaña iha semana rua nia laran.
Naimori Bukar hatete iha tempu polítika dala-ruma lia-fuan balun krítiku ladun monu ba lider partidu sira hotu ne’ebé husi kandidatura nain 15 nia laran, hanesan ema salan nain sei la sees husi sala.
Lori familia KHUNTO Ami nain rua husu deskulpa ba partidu hotu-hotu, Xanana, Lú Olo, Lere, Rogerio Lobato, Alkatiri, no partidu sira seluk tanba polítika durante iha kampaña dala-ruma ita kolia Sala” dehan Naimori hafoin ensera kampaña iha kampu Futebool Kampung Alor, kuarta (16/03/2022.
Hodi dehan, maske iha diferensia polítika, maibé nudar sidadaun Timor oan ida presiza lideransa sira hotu atu hamutuk hodi servi ba nasaun ne’e di’ak.
Ita Timoro-oan nafatin nudar lideransa ida ne’ebé atu servi ba povu presiza ita hotu-hotu hamutuk lolo liman ba malu atu lori jerasaun foun no povu sira nia moris hakmatek ho saudavel iha tinan oin mai,’’ katak Bukar.
Ikus liu Naimori lori estrutura Partidu KHUNTO husi lorosa’e to’o loro-monu husu deskulpa ba lider sira hotu durante iha tempu kampaña.
Observasaun jornalista lafaek news iha terenu nota kampu futebol kampun Alor nakonu ho militante puru partidu KHUNTO no hetan seguransa màximu husi PNTL munisípiu Dili no observador nasional no observador internacional no PDHJ.
Jornalista : Domingas Viana
Editor : Agapito de Deus
