Lafaek News–Ministru Justisa ( MJ), Manuel Cárceres informa populasaun sira atu hetan sertifikadu rai ka titulu proriodade presiza tan dekretu lei tolu kompostu husi dekretu lei predial, informasaun kadestrais no dekretu lei rejime jurídiku.
Mai aprezenta progresu atu kria diploma lejislativas atu implementa lei 13/20217 babain bolu dehan lei Terras propriedades atu implementa lei 13/2017, lei terras propriedades, iha ona pakote diploma lubuk ida prepara atu to’o ba iha nia intensaun final, atu fó titlu prioridade ka sertifikadu rai ba sidadaun sira, presiza dekretu lei tolu tan, no dekretu lei tolu ne’e, iha ona konsellu ministru,’’ katak Manuel Cárceres ba jornalista hafoin remata reuniaun ho Xefe Estadu Francisco Guterres Lú Olo, iha Palásiu Prezidente Bairo-Pite, segunda (21/02/2022).
Cárceres fundamenta, kona-ba rejistu dekretu lei predial konsellu ministru aprova ona, halo ona harmonizasaun final iha ona Konsellu Ministru, atu hatoo ba Gabinete Prezidente Repúblika hodi PR promulga.
Kona-ba informasoens kadastrais, informasoens kadastrais ne’e hanesan ita ba sukat ema nia rai karik, ita tenke hasai rai, rejistu rai sira ne’e, para depois aban bairua na’in ne’e presiza ou hakarak hetan sertifikadu karik husi informasaun ne’e mak ita fó sertifikadu ba nia,nune’e dekretu lei ida ne’e iha ona faze harmonizasaun hein KM, fulan ida ne’e labele, hein fulan oin konsellu Ministru aprova, dekretu lei haruka ba PR promulga,’’ Manuel Cárceres sublina.
Ho nune’e, dekretu lei ida ikus liu atu implementa lei númeru 13/2017 maka rejime jurídiku atu fó direitu ba sidadaun nasionál sira, uma sira ne’ebé okupa kleur ona, uma estranjeiru sira husik hela iha Timor, sidadaun sira okupa kleur tiha ona e sira ne’ebé kontratu arendamentu ho estadu.
Sira ne’ebé kontratu ho arendamentu estadu, estadu hanoin atu foti tiha uma sira ne’e fo ba sidadaun Timor-oan sira ne’e, atu foti tiha sertifikadu ba sira fo seguransa juridiku ba sidadaun sira, fo mos esperansa ba sira katak, sira fo arendamentu ba estadu, maibé sira la saugati de’it, estadu rekoñese”, deklara Cárceres.
Tuir governante ne’e, katak total populasaun hela iha Dili 300 mill, no sira ne’ebé okupa rai estadu 200 mill resin mak okupa hela propriedade estadu no sei regulariza ho lei número 13/2017.
Jornalista : Rita Moniz
Editor : Agapito de Deus
