Lafaek News--Movimentu Juventude Maubere Nasionalista Demokrátiku (MJMND), apoiu total Mariano Assanami Sabino ho númeru sorteiru 16, ba Prezidente Repúblika iha períodu 2022-20227.
Portavoz Movimentu Juventude Maubere Nasionalista Demokrátiku, Denilson Savio Maraques da Silva, hateten nu’udar organizasaun masa juventude ne’ebe eziste hodi halibur foinsa’e maubere oan tomak atu hametin interese estadu no prosperidade povu doben ida ne’e, hahú kedas iha tinan 2018, too ohin loron movimentu hamrik nu’udar Forsa ida atu reforsa PD iha aspetu oi-oin, liu-liu mobiliza rekursu hodi fo vitoria ba PD.
Ba eleisaun Prezidensial tinan ida ne’e, Públiku tomak hatene PD nomeia ona manu-aman Assanami, hodi kompete mos iha eleisaun prezidensial, ho nesesidade tomak estadu no povu ida ne’e nian mak, movimentu afirma nia pozisaun hodi deklara ofisialmente atu submete konfiasa no apoiu tomak ba Kandidatu Xefe estadu Periodu 2022-2027, Mariano Assanami Sabino,” deklara Denilson iha Kaikoli, Sábadu (19/02/2022).
Denilson argumenta, movimentu ne’e deside apoiu Assanami, bainhira observa sirkuntanisa hotu órgaun tomak, MJMND tetu ho ideia no ezijénsia konstitusional sira ne’ebé prevee iha artigu 74 K-RDTL, presiza Prezidente Repúblika ida ne’ebé neutru atu hatuur iha regras konstituisaun iha fatin atu ema hotu respeita.
Prezidente da Republika maka Xefe estadu, simbolu no garantia independensia basional no unidade Estadu nian, no instituisaun demokrasia sira nia funsionamentu regular, Prezidente Republika maka Komandante aas liu Forsa Armadas nian, “Assanami lider foin sa’e ida ne’ebe exelente, iha maturidade polítika, unifikador, integridade polítika di’ak, sempre tane lisan no valor demokrasia sira, prudente, hakruk no respeita konstituisaun,’’ katak portavoz MJMND ne’e.
Hodi dehan, iha tempu okupasaun Indonezia , Assanami hamutuk ho saudozu La Sama ho kompaneiru sira hotu husi organizasaun rejisténsia RENETIL inklui organizasaun rejisténsia sira seluk, hamrik hodi defende Timor Leste husi okupasaun Indonézia, no iha era independensia Assanami ho nia kapasidade, intelektual hamutuk ho kompaneiru sira funda Partidu Demokrátiku no hetan mos konfiansa husi povu partisipa iha Assembleia Konstituinte nu’udar reprezentante povu nian hodi hakerek lei inan konstituisaun RDTL.
Nune’e, nia dehna, ámbitu konstrusaun estadu no dezenvolvimentu nasional, lider foinsa’e ida ne’e komtinua hetan fiar husi povu hodi partisipa nu’udar pesoa importante iha órgaun soberania rua hanean, órgaun ezekutiva, nu’udar Ministru Agrikultura no peskas iha kuartu governu konstitusional no iha orgaun lezilativa nu’udar Prezidente bankada PD, iha uma fukun parlamentu Nasional.
Jornalista : Azelio da Cruz
Editor : Agapito de Deus
