Lafaek News – Koordenadór Ekipa vitória kandidata  Prezidente Repúblika periodu 2022-2027, Isabel da Costa Ferreira, Laureano Fernandes informa, prinsipiu importante ba sira mak kampañia ne’ebé saudavel hodi bele hato’o programa ba komunidade.

Entaun ita nia kandidata ida ne’e ho nia karakter proximidade, proximidade signifika katak prezidente ne’ebé mak ativa i besik no hamutuk liu ba povu,” informa Koordenadór Laureano Fernandes,’dehan Koordenadór Ekipa Vitoria kandidata  Prezidente Repúblika Isabel Ferreira,  Laureano Fernandes ba Jornalista hafoin dada númeru sorteiu iha Tribunal Rekursu Dili, kinta (17/02/2022).

Informa, sira nia programa ne’ebé iha manifestu ba fé, familia no patria ne’ebé mak konjuga husi kandidata liuhusi hala’o papél Prezidente Repúblika nian ne’ebé konsagra konstituisaun nomós mais estrutura prezidente nian ne’ebé mak nia bele hala’o ho karakter ne’ebé mak kada kandidata prezidente iha.

Ba ami prinsipiu maka kampaña ida ne’ebé saudavel, kamapaña ida ne’ebé maduru no-mós bele hato’o programa ba komunidade,”  Nia dehan.

Husi orariu ne’ebé mak ekipa vitoria kandidata Isabel Ferreira nia halo ba kampaña, hahú husi Munisipiu Aileu maibé orariu ne’ebé ami dezeña dadauk hahú husi Aileu, maibé ida ne’e hatama ba CNE no CNE mak bele halo aprovasaun,” hakotu Nia,

Enkuantu ohin, kinta (17/02/22), rezultadu dada númeru sorteiu iha Tribunal Rekursu (TR), kandidata Isabel da Costa Ferreira sai kandidata Prezidente Repúblika (PR) iha númeru primeiru, aliende kona-ba sorteiru númeru kandidatus Prezidente Repúblika (2022-2027) 16 mak hanesan, 1 Isabel da Costa Ferreira, 2 Hermes da Rosa Correia Barros, 3 Maria Ângela Freitas da Silva, 4 Rogério Lobato, 5 Anacleto Bento Pereira, 6 Francisco Guterres Luolo, 7 Maria Elena Lopes de Jesus Pires, 8 Lere Anan Timur, 9 Armanda Berta dos Santos, 10 Antero Benedito da Silva, 11 Constâncio Pinto, 12 Virgílio Guterres, 13 Martinho Gusmão, 14 José Ramos Horta, 15 Felisberto Araújo Duarte no ikus liu númeru 16 Mariano Assanami.

Jornalista : Juvita dos Santos

Editor            : Agapito de Deus