Lafaek News–Prezidente Autoridade Munispiu Dìlì (PAMD) Guilhermina Filomena Saldanha Ribeiro, informa relasiona ho akontesimentu ahi han fatin faan obralan iha merkadu Manleuana, sei servisu hamutuk ho protesaun sivil hodi hadiak hikas fatin ba vendedores hodi kontinua atividade negósiu.
Entermus de Asaun sosial iha ne’e ami haree katak ema halo komersiu laiha ema ida ke hela, enataun ho kompetenisa ne’ebè fò ne’e ami labele halo buat ida tanba laiha ema ida sai vitima maibè barak liu sasan, ami sei servisu hamutuk ho protesaun sivil atu iha responsabilidade atu hadia fila fali infraestrtura ne’ebè ke iha,’ dehan Prezidente Autoridade Munispiu Dìlì Guilhermina Filomena Saldanha Ribeiro ba jornalista sira iha Merkadu Manleuana, segunda (14/02/2022).
Guilhermina haktuir, nia parte hetan informasaun husi jestaun Merkadu Manleuana katak akontesimentu ne’e por volta 6 meia, laiha area atu identifika motivu husi inséndiu ne’e.
Ami hakarak hato’o katak maioria ita nia vendedores sira ne’ebè fan obralan hamtutuk 34 inklui Salon ida ne’e maka sai vitima ba insendiu ne’ebè akontese iha fatin refere,’’ Informa PAM Dìli Guilhermina.
Nia hatutan entermus asaun sosial iha ne’e laiha ema ida maka hela so fan de’it obralan, vítima ba inséndiu ne’e hamutuk 34 inklui salon ida no vítima sira ne’e agora iha ona PNTL hodi presta deklarsaun kona-ba sasan ne’ebè ahi han.
Iha fatin hanesan, Sekretariu Estadu Protesaun Sivil (SEPS), Joaquim Gusmão hateten sei la apoiu sasan emerjénsia ba vítima sira tanba sira la hela permanente iha fatin akontesimentu refere, maibé sei servisu hamutuk ho ekipa jestaun merkadu hodi normaliza fali fatin ne’e atu vendedores sira kontinua atividade negósiu.
Kuandu iha ne’e iha fatin iha dapur hahan iha ne’e, Entaun SEPS apoiu kedas sasan emerjénsia nian, maibè ita haree katak fatin ida ne’e sira faan de’it sasan kalan sira fila ba sira la hela iha ne’e, intervensaun SEPS nian maka apoiu bombeirus ne’ebè maka Hamate ona ahi iha ne’e,” governunante ne’e argumenta.
Joaquim promete sasan ne’ebè maka lakon SEPS sei halo relatóriu ba parte relevante sira hodi hein inkaixa iha programa apoiu nian.
Kona-ba estragus sasan ruma ne’ebè maka lakon SEPS mòs sei halo relatoriu fahe mos ba iha Ministeriu relevantes sira karik iha mòs programa ruma atu apoiu ba iha negòsiante sira ne’ebè sai vítima ba inséndiu ne’e,’’ Quim Gusmão hakotu.
Jornalista : João da Costa Soares
Editor : Agapito de Deus
