Lafaek News–Primeiru-Ministru Taur Matan Ruak, tersa (08/02) hatoo pedidu atu adi’a vizita ofisiál ba Austrália ne’ebé planea viajen iha kuarta (09/02/2022), ho razaun rezultadu teste SWAB iha loron 07 no loron 08 fulan-fevereiru 2022, konfirmadu Xefe Governu ho nia espoza IsabelFerreira, pozitivu SARS-COV-2.
Informasaun ne’e liu husi komunikadu imprensa ne’ebé Lafaek News asesu iha loron kuarta (08/02/2022), husi media ofisial Primeiru Ministru iha governu sita katak kona-ba Xefe Governu Taur Matan Ruak adia viajen espesial ba Austrália tanba da-daun xefe governu ne’e ho nia espoza iha kondisaun pozitivu covid-19.
Maske pozitivu COVID-19, maibé Xefe ezekutivu ho espoza iha kondisaun saúde di’ak hela no tuir rekomendasaun médiku, Xefe Governu presija deskansa iha uma tuir protokolu saúde nian hodi hein teste tuir mai.
Ne’eduni kona-ba pedidu adia vizita ne’e, Xefe Governu komunika ona ho Ministra Negósius Estranjeirus no Kooperasaun, Adaljiza Albertina Xavier Reis Magno atu komunika formalmente ba iha parte Governu Austrália nian, no sei ajenda fali ba tempu oportunu.
Jornalista : Juvita dos Santos
Editor : Agapito de Deus
