Lafaek News–Ministru Asuntus Parlamentares no Komunikasaun Sosiál (MAPKoms), Francisco Martins da Costa Pereira Jerónimo, informa liña frente ba Jornalista sira nian oras ne’e dadaun iha ona Ministériu Finansas (MF) hein verifikasaun ikus hodi halo pagamentu.
Ha’u kolia kona-ba frontline Jornalista nian, iha parte Ministeriál hotu ona, haruka ona ba Ministériu Finansas hodi halo verifikasaun ikus karik loos hotu ona, Ministériu Finansas mak sei iha desizaun ikus oinsá atu halo pagamentu,” dehan MAPKoms Francisco Jerónimo ba Jornalista sira hafoin hasoru malu ho Primeiru Ministru iha Rezidénsia PM Faról Dili, tersa (08/02/2022).
Nia informa, dadus ba liña frente sira bazeia ba dadus ne’ebé simu kada média, depois mak halo avaliasaun ikus mai mak haruka ba Ministériu Finansas.
Téknikamente ha’u la hatene númeru ne’e hira maibé husi parte tékniku sira mak hatene, ha’u halo aprovasaun ba lista atu haruka mai, ne’ebé ha’u la hatene loos númeru sertu ne’e hira,” hakotu MAPKoms Francisco Jerónimo.
Jornalista : Juvita dos Santos
Editor : Agapito de Deus
