Lafaek News–Comissão Nacional de Eleições (CNE) asina akordu ofisial ho Programa Nasoens Unidas ba Dezenvolvimentu (PNUD), finansiadu husi governu Japaun, atu dezenvolve plataforma informasaun dijital ba eleisaun iha Timor-Leste.
Reprezentante Rezidente PNUD nian iha Timor-Leste, Munkhtuya Altangerel, informa PNUD apoiu CNE ninia atividade komunikasaun garante povu asesu ba informasaun, hanesan estabelese plataforma informasaun dijital no-mos sei apoiu CNE iha parte produsaun informasaun, edukasaun, komunikasaun, inklui mós formasaun kona-ba meus prevensaun COVID-19 ba pesoal CNE durante eleisaun.
Ami fiar katak, akordu ida ne’e sei apoiu CNE atu kria kondisaun ba membru sosiadade oioin hodi partisipa iha eleisaun prezidensiál mai”. Dehan Reprezentante Rezidente PNUD iha Timor-Leste, Munkhtuya ba jornalista iha CNE Kolmera Dili, Sexta 04/02/2022.
Iha fatin hanesan Prezidente CNE, Jose Belo, esplika PNUD no governu Japaun uluk kedas apoiu prosesu eleitorál dezde Timor-Leste hamrik nudar nasaun ida.
Kontribusaun ne’ebé ohin loron CNE simu liu husi akordu ida ne’e sei fasilita votante sira atu asesu ba informasaun kona-ba ami nia servisu fiskalizasaun no supervizaun ba siklu eleisaun sira,” Prezidente CNE José relata.
Prezidente CNE Jose deklara, Parseiru ho UNDP ida ne’e kooperasaun permanente no ninia kontinuasaun mos sei iha maibe ida agora nee sira apoiu ba deit eleisaun prezidente nian maibe ita espera katak, iha eleisaun oarlamentar mos sira sei ajuda tanba ita nafatin halo koperasaun ho sira.
Entretantu akordu ne’e asina husi Prezidente CNE José Belo no Reprezentante Rezidente PNUD iha Timor Leste, Munkhtuya Altangerel, akordu asina iha salaun konferénsia CNE iha loron 4 fevereiru 2022.
Jornalista :Orlando Magno
Editor : Agapito de Deus
