Lafaek News–Ministru Prezidénsia no Konsellu Ministru (MPKM) Fidelis Manuel Leite Magalhães, kinta (03/02/22), ofisialmente lansa website ID Úniku nu’udar prontidaun governu eletróniku ne’ebé hala’o husi (TIC-TIMOR) alias Teknolojia Informasaun no Komunikasaun.
Ministru Prezidénsia no Konsellu Ministru, Fidelis Magalhães hateten, rezultadu husi survei ida ne’e, importante atu fó informasaun kona-ba situasaun atuál Teknolojia Informasaun no Komunikasaun (TIC), iha governu no responde ba nesesidade governu nian hodi fornese atendimentu di’ak liután ba populasaun no instituisaun sira seluk iha futuru.
Ita ohin mai hamutuk ita ne’e ho objetivu atu fahe progresu servisu governu nian koñesidu mós hanesan e-governu liuhusi TIC Timor ho nia ekipa hala’o dadaun nu’udar área prioridade daneen husi oitavu governu Konstituisionál ba tinan 2022,” dehan MPKM Fidelis Magalhães.
Governante ne’e akresenta, estudu ida Ne’e importante ba dezenvolvimentu politiku ida husi governu eletróniku ne’ebé hatan ba nesesidade governu nian, nune’e ita futuru bele pesta servisu ida di’ak liu iha populasaun no instituisaun sira.
Iha ámbitu ida ne’e mak TIC TIMOR.IP prepara mós maiu informasaun ida liuhusi website ID Úniku hodi disemina no sosializa ho klaru, transparente no responsavél programa no atividades ID Úniku nian públiku enjeral,” informa MPKM Fidelis Magalhães.
Enkuantu survei pilotu ida ne’e, hala’o ba instituisaun estadu sanulu (10), ne’ebé hola parte nu’udar membru KTE, instituisaun hirak ne’e mak hanesan, Prezidensia Konsellu Ministru (PKM), Minstériu Justisa (MJ), Ministériu Finansas (MF), Ministériu Edukasaun Juventude no Desportu (MEJD), Ministériu Saúde (MS), Ministériu Administrasaun Estatál (MAE), Ministériu Interior (MI), Komisaun Funsaun Públika (KFP) inklui Teknolojia Informasaun no Komunikasaun (TIC) TIMOR I.P.
Jornalista : Juvita dos Santos
Editor : Agapito de Deus
