Lafaek News–Primeiru Ministru oitavu governu jeneral, Matan Ruak, preokupa ho moras dengue ne’ebé mak da-daun ne’e hamate ona sidadaun Timor-oan na’in 21, husu komunidade hamos bee lihun hodi susuk labele moris.
Primeiru Ministru Jenerál Taur Matan Ruak, hato’o asuntu ne’e hafoin hasoru malu ho Prezidente Repúblika Francisco, Guterres Lú Olo iha palásiu prezidensiál Bairo-Pite kinta (03/02/2022), hafoin remata enkontru xefe estadu Francisco Guterres Lú Olo.
Dengue ne’e ita preokupassun boot loos tanba hamate ita nia oan sira hamutuk rua nolu resin ida ona 21, maibé ita halo hela esforsu halo nusa mak neutraliza moras ida ne’e”, dehan Xefe Governu Taur Matan Ruak.
Eis Prezidente Repúblika ne’e haktuir, iha medida ne’ebé Ministériu Saúde (MS) halo hela atu bele neutraliza ida ne’e, presiza tenke limpeza, sekarik la halo limpeza di’ak iha uma laran sira, bee ne’ebé nalihun fó fatin ba susuk moris barak liután.
seluk mak fomigasaun susuk atu evita nia alastra liután , entaun ha’u espera katak ida ne’e esforsu ne’ebé ita halo atu minimiza risku ne’ebé afeta ita nia sidadaun sira”, hakotu Xefi governu Taur Matan Ruak.
Jornalista : Rita Moniz
Editor : Agapito de Deus
