Lafaek News–Prezidente Repúblika (PR), Francisco Guterres Lú Olo, afirma aniversariu FALINTIL Forsa Defeza Timor Leste (F-FDTL) ba dala 21, bele hanoin hikas momentu estabelesimentu iha Aileu istoria ida hanesan susesor lejítimu ba gloriozas FALINTIL.
Lú Olo, hatoo asuntu ne’e liu husi nia diskursu iha ámbitu selebrasaun aniversáriu FALINTIL-Forsas Defeza Timor-Leste ba dala 21, iha Kuartel jeral Fatuhada (02/02/2022), hodi hateten, loron ida-ne’e, hanoin hikas momentu istóriku hosi ninia estabelesimentu iha Aileu nu’udar susesór lejítimu ba gloriozas FALINTIL ne’ebé tuba rai metin ho espíritu asua’in luta ho nia kbiit rasik hasoru okupasaun militár durante tinan 24 nia laran.
Ita selebra aniversáriu F-FDTL ba dala 21. Iha loron ida-ne’e, ita hanoin hikas momentu istóriku hosi ninia estabelesimentu iha Aileu nu’udar susesór lejítimu ba gloriozas FALINTIL, katak Frente Armada, ne’ebé tuba rai metin ho espíritu asua’in hodi luta ho nia kbiit rasik hasoru okupasaun militár iha ita-nia rain durante tinan 24 nia laran”, dehan Xefi Estadu Francisco Guterres Lú Olo.
PR Lú Olo hateten, FALINTIL hanesan servidór estadu, husik hela nu’udar legadu di’ak ida ba ita, mak ita-nia pátria nia independénsia, hamutuk ho prinsípius no valores ne’ebé kesi Timor-oan hotu hamutuk no sai nu’udar aliserse loloos ba estadu direitu demokrátiku.
Ha’u hakarak hato’o saudasaun ba militár no sivíl sira-ne’ebé loroloron serbisu ho dedikasaun no empeñu tomak no kumpre misaun sira-ne’ebé mak fó ba sira atu hala’o, ho neon no laran tomak, hodi defende Timor-Leste,’’ Xefe Estadu Francisco Guterres Lú Olo hakotu.
Jornalista : Rita Moniz
Editór : Agapito de Deus
