Lafaek News–Tanba saida povu tenke hamonu mata-wen iha nia rain ne’ebé nia raan fakar fatin iha ne’ebé uluk nia rasik lori pregu tuu ba Ukun Rasik An iha votasaun 30 de Agusto 1999.
Iha tempu ne’eba Timor-oan hotu kontente tebes katak ukun besik ona mai, tanba Timor oan hotu sei deside futuru Timor liu husi loron 30 fulan Agusto 1999, rezultadu ida ne’e sai realidade iha mundu internasional nia matan katak Timor hamriik mesak ona, tanba povu rasik mak hili tuir sira nia hakarak, maibé iha povu balun mós lakohi ukun an sira nia hakarak mak integrasaun ba Indonézia.
Ukun an tiha, povu ne’ebé vota ba ukun ikus mai hamonu matan-wen, tanba ukun ne’e oin seluk, ema grupu kiik balun riku ba bei-beik halo uma luxu, sae kareta troka kada tinan, maibé povu balun kiak too rabat rai, laiha aihan teb-tebes no laiha hela fatin ida ne’ebé dignu, laiha lian atu ko’alia espresaun sira nia hatudu de’it liu husi mata-wen.
Situasaun ne’e kabe ba inan faluk, Adelina de Jesus, idade 40 hela iha kampun Alor aldeia 01 Railaka, hanesan mos defisiénsia fíziku hamonu matan-wen, tanba nesesidade loron-loron nia la sufisiente ba nia moris.
Defisiénsia Adelina de Jesus hamonu matan-wen hasoru jornalista lafaek news, tanba nesesidade loro-loron ladun koresponde servisu hanesan atan hodi hafoin hetan osan rahun uituan hodi sosa netik foos haknauk hodi hakunu netik kabun.
Ha’u hanesan kbiit laek moris ne’e terus liu dala ruma ema bolu Hau ba hein ema nia oan mak hetan osan hodi sustenta ba ha’u nia nesesidade loro-loron nia agora foos laiha ona, alin sira hela iha kost ne’e mak sosa foos tein bolu ami han hamutuk de’it ” dehan Adelina de Jesus ba Lafaek News iha Aldeia 01 Railaka Suku kampun Alor, Sesta (28/01/2022).
Adelina loro-loron hein ema nia oan fulan rua ona no osan ne’ebe nia hetan husi hein labarik ne’e nia uza ba sosa hahán uma laran hodi han no restu hodi selu ba oan nia eskola.
Adelina de Jesus ho nia kaben Joao Oliveira Martins iha oan mane nain rua, mane ida agora estudu iha eskola sekundario 04 de setembru no nia oan Mane ida tan eskola iha SD Fatuhada.
Ha’u nia oan nain rua mane hotu ha’u nia moris mak hanesan nee ona maske, ha’u nia kondisaun hanesan difisiénsia, ha’u tenke halo servisu oan hodi hetan netik osan hodi suporta ba ha’u nia oan nia eskola maske, ha’u nia inan aman mak terus, maibé ha’u lakohi ha’u nia oan sira nia moris hanesan ho ha’u,’’dehan nia
Iha fatin hanesan, Avelina dos Santos Alves hanesan kost vizinho ho kbiit laek Adelina, afirma katak Adelino nia nesesidade loro-loron susar tebes nia kaben Joao Oliveira buka servisu atu servisu, maibé idade hanesan ne’e ona labele servisu.
Ha’u hatene muito bem kona-ba Pai Joao ho Mae Adelina ninia Moris loro-loron, tanba durante ne’e ami hamutuk ferik Adelina nia hanesan defisiénsia fíziku nia ba hein ema nia oan mak ema fo osan, nia hein ema nia oan mos ema hanoin mak fo dalaruma ema la fo ida, agora nia foos laiha ona , orsida Ha’u tein mak han hamutuk de’it dala ruma sosa supermi falun rua fó ba nia oan nain rua ne’e mak han nia ho nia kaben la han ida,” dehan Nia
Iha Fatin hanesan Xefi Aldeia 01 Railaka Estela Aleixo afirma iha Aldeia 01 Railaka ne’e kbiit laek liu mak ferik Adelina ho nia kaben Joao loron rua loron tolu sempre vizita.
Iha Aldeia 01 Railaka ha’u nia komunidade ne’ebe mak kbiit laek tebes mak ferik Adelina ho nia kaben ona diak ida loron tolu loron haat, Ha’u sempre mai vizita sira susar tebes no nesesidade loro-loron nian ne’e la sufisiente duni,” nia hakotu
Jornalista :Domingas Viana
Editor : Agapito de Deus
