Lafaek News–Prezidente Konsellu Imprensa Virgílio da Silva Guterres husu jornalista sira tenke forsa hametin kompremisiu ba sosiedade atu nune’e bele kontribui di’ak ba sosiedade liu husi informasaun kredibilidade no responsabilidade ba interese públiku.
Prezidente konsellu imprensa Virgílio da Silva Guterres hatoo asuntu ne’e bainhira loke abertura seminariu ho tema indenpendensia editorial iha kontextu eleisaun no feto iha kareira iha eventu aniverásriu Asosiasaun Jornalista Timor-Leste (AJTL) nian halo tinan ba dala 22 iha salaun Luz Claritas, kuarta (22/12/2021).
Suhu ita nia an, ema dehan katuas sira iha foho katana ne’ebe atu forte, kroat ita tenke forsa ita nia an atu hametin ita nia komprimisiu ba ita nia sosiedade atu nunee bele kontribui diak liu ba ita nian sosiedade ho informsaun ne’ebé mak Jornalista fo sai,’’ dehan Prezidente Konsellu Imprensa Virgílio da Silva Guterres hafoin loke semináriu aniversáriu AJTL iha Otel Luz Claritas kuarta 22/12/2021.
Semináriu ba aniversáriu AJTL nian ba dala 22 ne’e partisipa husi presidente Konsellu imprensa , reprezentante husi CNE, reprezentante husi SEII, reprezentante husi partidu KHUNTO, representante husi partidu PD, estudantes kompostu husi UNTL ho UNITAL departamentu komunikasaun sosial inklui no Jornalista hotu.
Jornalista : Rita Moniz
Editor : Agapito de Deus
